მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"X ფაქტორის" დროს ჯანმრთელობის პრობლემები მქონდა" - რა შეიცვალა ანრი გუჩმანიძის ცხოვრებაში კონკურსის მოგების შემდეგ და რა გეგმები აქვს "საქართველოს ვარსკვლავში"
17:37 / 15-11-2019
ამბობს, რომ "X ფაქტორში" გამარჯვების შემდეგ მის ცხოვრებაში ბევრი რამ მოხდა, კარგი შემოთავაზებები მიიღო, გასტროლზეც არაერთხელ მოუწია წასვლა. ბათუმის ახალგაზრდულ მუსიკალურ თეატრში სერიოზული როლი მისცეს, რაზეც ახლა მუშაობს.
ანრი გუჩმანიძე ახლა მეგაშოუ "საქართველოს ვარსკვლავის" კონკურსანტია, ათეულში მოხვდა და ცდილობს, მაყურებლის წინაშე სრულიად ახალი ენერგიითა და შემართებით წარდგეს.
"დღესდღეობით ბათუმის ახალგაზრდულ მუსიკალურ თეატრში ვთამაშობ. მალე პრემიერაც იქნება და დაგპატიჟებთ" - გვეუბნება ანრი, რომელიც იმ ადამიანების კომენტარებს გულგრილად სულაც არ ტოვებს, რომლებიც ამბობენ, რომ "საქართველოს ვარსკვლავში" სხვა კონკურსში ერთხელ უკვე გამარჯვებულებმა მონაწილეობა არ უნდა მიიღონ.
"კი, მათ აზრს ყურადღებას ვაქცევ, საერთოდ ყველას აზრი მაინტერესებს. ცუდი ნათქვამი გულზე ცუდად მხვდება, მაგრამ როცა ჩემი ცხოვრების სასიკეთოდ წარმართვისთვის ნაბიჯს გადავდგამ, უკვე ეჭვი აღარ მეპარება, უკან არაფერი მახევინებს. მოკლედ, "საქართველოს ვარსკვლავში" მონაწილეობა გადავწყვიტე, რადგანაც ეს ახალი გამოწვევა და ახალი დიდი სცენა იყო ჩემთვის... ამ სცენის მტვერი ყოველდღე მენატრებოდა... რა თქმა უნდა, კონკურსისთვის დაწესებულმა მთავარმა პრიზმაც იმოქმედა, გავლენა იქონია, რის გამოც მოვედი, მაგრამ მთავარი მაინც დიდი სცენა და მაყურებელი გახლდათ.
- ელოდი, რომ ათეულში მოხვდებოდი?
- რა თქმა უნდა - ოპტიმისტი ვარ!
- რა მოლოდინი გაქვს და რამდენად დაძლევ იმ ბარიერებს, რომელსაც ეს კონკურსი შემოგთავაზებს?
- მეგაშოუ "საქართველოს ვარსკვლავი" ჩემთვის პირველი შოუა, აქ ისეთი ადამიანები მუშაობენ და ისეთი პერსონალია დაკავებული, რომ ყველაფერს უშეცდომოდ, იდეალურად აკეთებენ. ძალიან მიყვარს ეს ხალხი, იციან თავისი საქმე და პროფესიონალები არიან. რაც შეხება მოლოდინებს, ამაზე წინასწარ ვერ ვისაუბრებ, ყველაფერი ხალხზეა დამოკიდებული, ყველაფერს ხალხი გადაწყვეტს. მე, რა თქმა უნდა, ყველა გამოსვლაზე მაქსიმალურს გავაკეთებ, ბოლომდე დავიხარჯები. დანარჩენი ხალხმა უნდა გადაწყვიტოს.
- იმაზე რას იტყვი, რომ "ევროვოზიაზე" სახარბიელო შედეგები აქამდე ჯერ არ გვქონია?
- ყველაფერი უნდა იყოს დალაგებული და განსაზღვრული და მაშინ ალბათ შედეგიც იქნება. წინა გამოსვლებზე ვერ ვისაუბრებ და არც ვისაუბრებ. ვფიქრობ, სტილია შესაცვლელი, უფრო მხიარულებაა საჭირო, თუმცა ასე პირდაპირ თქმაც ძნელია... ამ თემაზე, რა თქმა უნდა, ჩემი შეხედულებები მაქვს.
- თუ ამ კონკურსზე წასვლა მოგიწევს, რას იზამ?
- ყველაფერს დავძლევ, დიდ სცენაზე შემიძლია ყოვლისშემძლე ვიყო, ნახავთ ჩემს გამოსვლებს და ამაში დარწმუნდებით. ვიმღერებ უშეცდომოდ, ბევრი პოზიტივით, ღიმილით, სიხარულით და ბედნიერებით.
ასე რომ, "საქართველოს ვარსკვლავში" სრულიად განსხვავებულ ანრის იხილავენ. "X ფაქტორ"-ის პერიოდში ჯანმრთელობის პრობლემები მქონდა, უბრალოდ გამიმართლა და გავიმარჯვე... ეტყობა, ბედნიერ ვარსკვლავზე ვარ დაბადებული... ძლიერი გამოსვლები არ მქონია, მაგრამ მას მერე რაღაცეები დალაგდა და მაყურებელი ბევრ კარგ რაღაცას უნდა ელოდოს.
ანრი გუჩმანიძე ერთ წელიწადში ეკონომისტის დიპლომს აიღებს, თუმცა მომავალში რას აპირებს, ჯერ არ იცის. ჯერ 23 წლის არის, ცხოვრების დინებას მიყვება. მსახიობობაც უნდა, ხატავს, სიმღერებსაც წერს, მაგრამ ამ ყველაფრის ხალხის წინაშე გამოტანას ჯერ არ ცდილობს.
რაც შეეხება საყვარელ მუსიკალურ ჟანრს, ეს როკია, რაც მამამ შეაყვარა. "როცა უკვე სიმღერა დავიწყე, ამ ჟანრში თავს კომფორტულად ვგრძნობდი, თუმცა სხვა ჟანრებიც კარგად გამომდის. მოკლედ, მაყურებლის მხარდაჭერის და გულშემატკივრების იმედი მაქვს".
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შენ უძლიერესი მომღერლის შვილი ხარ და დარწმუნებულუ ვარ უძლიერესი ხარ შენც . რასაც ჩაიფიქრებ ის უნდა აიხდინო წარმატებები ანრიიიი