მნიშვნელოვანი ინფორმაცია
3
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეს მთავრობა დანიშნულია არჩევნების მოსაგებად, 2020 წელს კი ეს ხელისუფლება წააგებს" - რა პროცესებს პროგნოზირებს ლევან ბერძენიშვილი
12:58 / 09-09-2019
მართლა ხომ არ ჰგონიათ, რომ რეპრესიებს განახორციელებენ, ოპოზიციას დააპატიმრებენ და უბრალოდ არავინ იქნება ასარჩევი ბიძინა ივანიშვილის გარდა?! ასე არ მოხდება, - ამის შესახებ „ინტერპრესნიუსთან“ ყოფილმა დეპუტატმა ლევან ბერძენიშვილმა განაცხადა. მან ახალი მთავრობის პოლიტიკურ პერსპექტივებზეც ისაუბრა. ბერძენიშვილის შეფასებით, მთავრობის ახალი შემადგენლობა 2020 წლის არჩევნებისთვის შეირჩა და მათი პოლიტიკური ბედი მხოლოდ 1 წელზეა გათვლილი.
„ეს მთავრობა დანიშნულია საარჩევნოდ, არჩევნების მოსაგებად. იმის მერე, იქით ვერავინ ვერ ხედავს, ასე რომ, არა მგონია ჩვენ უნდა გავიხედოთ იქ, სადაც ბიძინა ივანიშვილიც არ იხედება. 2020 წელს კი ეს ხელისუფლება წააგებს. ამიტომ, მაქსიმუმ რაც აქვს ამ, ხელისუფლებას ეს არის 1 წელი. ამ ერთი წლის განმავლობაში ველოდები რეპრესიების აპარატის უფრო ეფექტიანად ამოქმედებას, თუ მიაღწევენ ამას რა თქმა უნდა, იმიტომ, რომ ჩვენ ვაკუუმში არ ვცხოვრობთ და სამყაროში მარტო ბიძინა ივანიშვილი არ არის. კიდევ არიან ჩვენი მეგობარი ქვეყნები, რომლებიც არ შეეგუებიან დემოკრატიის ფეხქვეშ გათელვას, კიდევ არის სახელმწიფოებრივი ინტერესი, კიდევ არიან პატრიოტული ძალები და არის ოპოზიცია, რომელსაც გიორგი გახარია განადგურებას დაპირდა“, - განაცხადა ლევან ბერძენიშვილმა.
მისივე შეფასებით, პრემიერ-მინისტრი ფორმალურად მაინც უნდა ცდილობდეს ოპოზიციასთან თანამშრომლობას, თუმცა გიორგი გახარიას პარტნიორი ქვეყნების რჩევები და სტანდარტები არ აინტერესებს.
„საერთოდ, პრემიერ-მინისტრი, რომელიც პოლიტიკოსი და პირველი ფიგურა არის ქვეყანაში, ოპოზიციასთან უნდა თანამშრომლობდეს, ყოველ შემთხვევაში, იმის ზრდილობა მაინც უნდა ჰქონდეს, რომ ვითომ თანამშრომლობ. ყველა გვეუბნება, რომ ნუ გაზრდით დაძაბულობასო. ამ კაცმა კი გამოგვიცხადა: ფეხებზე მკიდია ევროპაც, ამერიკაც და საქართველოს ინტერესებიცო. ასეთი ფიგურა აირჩია ჩვენმა სახელოვანმა პარლამენტმა, რომლის ერთ-ერთი წევრი ემზარ კვიციანია, რომელმაც აჩვენა მათი ნამდვილი სახე. არა მგონია რაიმე ტიპის განსხვავება იყოს ემზარ კვიციანსა და პრემიერ-მინისტრს შორის. ერთიც და მეორეც მკვლელის ტიპური წარმომადგენელია. საქართველოს ხელისუფლებაში ყველა ძალოვანი არის უვარგისი, ყველა არის სირცხვილი საქართველოსი. მთელი პარლამენტი სირცხვილი აღმოჩნდა, განსაკუთრებით უმრავლესობა, იმიტომ, რომ ყველა ინანებს ამ დანიშვნას და ეს არაფერს მისცემთ. მართლა ხომ არ ჰგონიათ, რომ რეპრესიებს განახორციელებენ, ოპოზიციას დააპატიმრებენ და უბრალოდ არავინ იქნება ასარჩევი ბიძინა ივანიშვილის გარდა?! ასე არ მოხდება, ასე არასდროს მომხდარა და მითუმეტეს ახლა არ მოხდება“, - განაცხადა ლევან ბერძენიშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
