რა ქონებას ფლობს გიორგი გახარიას ოჯახი
საქართველოს მალე ახალი პრემიერი ეყოლება. „ქართული ოცნების“ თავმჯდომარე ბიძინა ივანიშვილმა მთავრობის ხელმძღვანელის პოსტზე შს მინისტრი გიორგი გახარია წარადგინა.
ცნობისთვის, გახარია შს მინისტრის თანამდებობას 2017 წლის 13 ნოემბრიდან იკავებს, ის ამავე დროს საქართველოს ვიცე-პრემიერი და ეროვნული უსაფრთხოების საბჭოს მდივანიც იყო.
„ბიზნესპრესნიუსი“ გთავაზობთ ინფორმაციას თუ რა ქონებას ფლობეს და როგორია მისი ფინანსური მდგომარეობა. 2018 წელს შინაგან საქმეთა მინისტრის გიორგი გახარიას შემოსავალმა აღნიშნულ პოსტზე 60 654,6 ლარი შეადგინა.
რაც შეეხება მის ქონებას, 2019 წლის 30 მაისს შევსებული ქონებრივი დეკლარაციის მიხედვით, მის პირად საკუთრებაში არც უძრავი და არც მოძრავი ქონება ფიქსირდება.
ამასთან, დეკლარაციის შევსების მომენტში გახარიას სხვადასხვა საბანკო ანგარიშზე ჯამში, 4 850.99 ლარი და 266,76 დოლარი ჰქონდა. რაც შეეხება გახარიას გასავალს, შვილის სწავლის საფასურის სახით მისმა გასავალმა გასულ წელს 5 220 ევრო შეადგინა.
გიორგი გახარია მეუღლესთან და შვილთან ერთად ცხოვრობს. მისი მეუღლე ფლობს მსუბუქ ავტომობილს „ტოიოტა RAV4-ს“, რომელიც 2016 წელს 22 000 დოლარად აქვს შეძენილი. რაც შეეხება მის ფინანსურ მდგომარეობას, დეკლარაციის შევსების მომენტში საბანკო ანგარიშებზე ჯამში, 520,006.41 დოლარი და 1 192,5 ლარი ჰქონდა. გახარიას მეუღლის გასული წლის შემოსავალმა ავერსის ცენტრალურ კლინიკაში ექიმ-ბაქტერიოლოგად მუშაობისას 11 372 ლარი შეადგინა. წაიკითხეთ სრულად
"ბევრი ახალგაზრდა დაინტერესდა ბოსტნეულის მოყვანით, ეს ძალიან მახარებს" - როგორ ატარებს პანდემიის დღეებს ზურა შევარდნაძე და რას ამბობს ახალ ტენდენციაზე
მგზავრებს პირბადის ტარება აეროპორტის გარდა, თვითმფრინავის ბორტზეც მოუწევთ - რა წესების დაცვით იქნება დასაშვები ავიამგზავრობა?
