რომელ რეგიონშია მოსალოდნელი დღეს სეტყვა - სვეტლანა ნიორაძე ამინდის პროგნოზით

სეტყვა დამახასიათებელია მაის-ივნისისთვის და აღმოსავლეთ საქართველოსთვის, - ამის შესახებ გარემოს ეროვნული სააგენტოს პროგნოზირების ცენტრის ხელმძღვანელმა, სვეტლანა ნიორაძემ განაცხადა.

მისივე თქმით, სეტყვის ყველაზე მეტი შემთხვევა სწორედ მაის-ივნისის თვეებზე მოდის. ამასთან, როგორც სვეტლანა ნიორაძემ აღნიშნა, ხვალიდან ამინდი გაუმჯობესდება.

"მაისისთვის დამახასიათებელი ამინდია. სეტყვის ყველაზე მეტი შემთხვევა სწორედ მაისის და ივნისის თვეზე მოდის. დღეს დაისეტყვა თბილისის ცალკეული უბნები, ასევე საგარეჯოს მუნიციპალიტეტის რამდენიმე სოფელი. დღეს კახეთის რამდენიმე რეგიონში ველოდებით ასევე სეტყვას. ხვალიდან უკეთესი ამინდი გვექნება, მაგრამ საღამოს საათებში არის ხანმოკლე წვიმის და ელჭექის შესაძლებლობა. მაგრამ დღევანდელთან, გუშინდელთან და წინა დღეებთან შედარებით, უკეთესი ამინდი იქნება და ტემპერატურაც მოიმატებს" - განაცხადა სვეტლანა ნიორაძემ.