„ყაზტრანსგაზმა“ გაჩიანის მარეგულირებელ სადგურს რეაბილიტაცია ჩაუტარა

„ყაზტრანსგაზ-თბილისი“ აგრძელებს გაზმომარაგების ქსელზე სარეაბილიტაციო სამუშაოებს. აღნიშნულის შესახებ ambebi.ge-ს „ყაზტრანსგაზ-თბილისიდან“ აცნობეს.

მათივე ინფორმაციით, „ყაზტრანსგაზ-თბილისმა“ დედაქალაქის უსაფრთხო და სტაბილური გაზმომარაგებისთვის გაჩიანში მდებარე გაზის წნევის ერთ-ერთი ცენტრალური მარეგულირებელი სადგურის სრული რეაბილიტაცია ჩაატარა, რომელიც 2007 წლის შემდეგ არ განახლებულა.

„თბილისის მოსახლეობის უსაფრთხო და სტაბილურ გაზმომარაგებას ოთხი ცენტრალური მარეგულირებელი სადგური ემსახურება, რომელიც მოსახლეობის უსაფრთხო და უწყვეტ გაზმომარაგებას უზრუნველყოფს. გაჩიანის გარდა, მსგავსი მარეგულირებელი სადგურებია ნავთლუღსა და გლდანში“, - ნათქვამია ინფორმაციაში.