65 წლის ქალს და 80 წლის კაცს შვილი შეეძინათ

65 წლის ინდოელი ქალი, სავარაუდოდ, მსოფლიოში ყველაზე ხანდაზმული დედა გახდა - მან რამდენიმე დღის წინ იმშობიარა. Khaleej Times-ის ინფორმაციით, ბავშვის მამა 80 წლის ჰაკიმ დინია, რომელიც „ალაჰს ძვირფასი საჩუქრისთვის მადლობას სწირავს“.

წყვილს უკვე ჰყავს 9 წლის ბიჭი. ახალშობილი გოგონას გასაზრდელად კი ხელისუფლებას დახმარებას სთხოვს.

ექიმები ამბობენ, რომ ამ ასაკში მშობიარობა ძალიან იშვიათი შემთხვევაა. ქაშმირელი ექიმის, შაბირ სიდიქის განცხადებით, ინდოეთში ქალებისთვის მენოპაუზა, დაახლოებით, 47 წლის ასაკში დგება, ამის შემდეგ კი დაორსულების შანსი აღარ არსებობს.

თუ დადგინდება, რომ ქალმა ხელოვნური განაყოფიერების გარეშე იმშობიარა, ის იქნება ყველაზე ხანდაზმული დედა, რომელმაც შვილი ბუნებრივი ჩასახვის გზით გააჩინა.