მნიშვნელოვანი ინფორმაცია
5
აპრილიდღის ზოგადი ასტროლოგიური პროგნოზი
შაბათი, მთვარის მერვე დღე დაიწყება 10:42-ზე, მთვარე კირჩხიბშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადაადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. ამ დღის რთული ორგანო კუჭია. მოერიდეთ კუჭის გადატვირთვას, მოწევას, სმას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეს ღვინის დღესასწაულია!" - ტურისტები ქართულმა ღვინოებმა და ფესტივალმა აღაფრთოვანა
14:04 / 13-10-2018
„ქართული ღვინის ფესტივალი 2018" შარდენზე, სიონის ქუჩაზე უკვე რამდენიმე საათია მიმდინარეობს. ფესტივალს როგორც ადგილობრივი, ისე უცხოელი ტურისტები ესწრებიან და წარმოდგენილ პროდუქციას აგემოვნებენ. როგორც უცხოელი ტურისტები აღნიშნავენ, ქართული ღვინო მრავალფეროვანი გემოთი გამოირჩევა და ერთ-ერთი საუკეთესო საჩუქარია, რის წაღებასაც საქართველოდან გეგმავენ.
„როგორც ვხვდები ეს ღვინის დღესასწაულია. ქართული ღვინო ძალიან მომწონს და ვფიქრობ, იმდენად მრავალფეროვანი გემოებია, რომ ყველას შეუძლია აქ მისთვის მოსაწონი სახეობა იპოვოს. ჩემი ფავორიტი ქინძმარაულია. ასევე, აქ პირველად გავსინჯე ქისი და ძალიან მომეწონა. რუსეთში ყველა ჩემი მეგობარი ელოდება, რომ იქ ბოთლი ღვინით დავბრუნდები. ვფიქრობ ეს საუკეთესო ქართული საჩუქარია,"- განაცხადა ირინა სლავიევამ.
„აქ სრულიად შემთხვევით მოვხვდით და უბრალოდ, აღფრთოვანებული ვარ. დავაგემოვნე ქინძმარაული, საფერავი და მუკუზანი. ჯერჯერობით ჩემი ფავორიტი ქინძმარაულია. დღეს მოსკოვში ვბრუნდებით, ბარგის წონა უკვე განსაზღვრული გვაქვს, თუმცა ვფიქრობ, თითო ბოთლს მაინც ვიყიდი. ქართული ღვინო მოსკოვში ძალიან უყვართ. ყველა მეგობარმა ღვინის წაღება დამაბარა,"- განაცხადა კიდევ ერთმა ტურუსტმა, იულია ბისტრეცკაიამ.
როგორც ფესტივალის ერთ-ერთმა სტუმარმა ვიოლეტა შარვაშიძემ „ინტერპრესნიუსს" განუცხადა, ასეთ ფესტივალებს ტურისტული თვალსაზრისით ძალიან დიდი მნიშვნელობა აქვს.
„ვიცოდი დღეს რომ ღვინის ფესტივალი იმართებოდა, ამიტომ მოვედი მეგობრებთან ერთად და ძალიან კმაყოფილები ვართ. სხვადასხვა სახეობა დავაგემოვნე, მაგრამ ყველაზე მეტად მომეწონა კომპანია „ბატონოს" მწვანე მანავი. ზოგადად, ფესტივალზე ძალიან გემრიელი ღვინოებია წარმოდგენილი. ანსამბლებიც არაჩვეულებრივად მღერიან და მთელი დღის განმავლობაში დაველოდებით, ვნახავთ რა იქნება წარმოდგენილი.
ასეთ ფესტივალებს ტურისტული თვალსაზრისით ძალიან დიდი მნიშვნელობა აქვს და ამავდროულად ადგილობრივებისთვისაც ძალიან სასიამოვნოა, "- განაცხადა ვიოლეტა შარვაშიძემ.
ამ წუთებში მოძრაობის თეატრის მსახიობები ფესტივალზე მოსული სტუმრებისთვის კოსტიუმირებულ პერფორმანსს წარმოადგენენ.
„ქართული ღვინის ფესტივალი 2018" გარემოს დაცვისა და სოფლის მეურნეობის მინისტმა ლევან დავითაშვილმა გახსნა. ფესტივალი 19:00 საათამდე გაგრძელდება.
„ქართული ღვინის ფესტივალი 2018“-ის პარტნიორები არიან: მოძრაობის თეატრი, ფოლკლორის ეროვნული ცენტრი, ART Shok Company.
ფესტივალის მედია მხარდამჭერები არიან: პალიტრანიუსი, რადიო პალიტრა, ambebi.ge,events.ambebi.ge, ipn.ge, kvirispalitra, georgianjournal.ge, allnews.ge, reitingi.ge.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
