პატრიარქმა კირილმა მსოფლიო პატრიარქზე ლოცვა შეწყვიტა
მოსკოვისა და სრულიად რუსეთის პატრიარქი კირილი, ლიტურგიის დროს, კონსტანტინოპოლის პატრიარქის, ბართლომეოსის მოხსენიებას წყვეტს, თუმცა, მსოფლიო საპატრიარქოსთან ევქარისტიულ კავშირს ინარჩუნებს. ამის შესახებ გადაწყვეტილება რუსეთის სინოდის დღევანდელ სხდომაზე მიიღეს.
„ევქარისტიული ერთობა ეკლესიებს შორის არ წყდება. ეს გადაწყვეტილება ჯერ კიდევ არ უკრძალავს კონსტანტინოპოლისა და რუსეთის საპატრიარქოების კლირიკოსებს ჩაატარონ ერთობლივი ღვთისმსახურება“, - განუმარტა „რია ნოვოსტის“ პატრიარქ კირილის პრესმდივანმა, მღვდელმა ალექსანდრ ვოლკოვმა.
მსოფლიო პატრიარქის მოხსენიების შეწყვეტა ნიშნავს იმას, რომ მოსკოვის პატრიარქი კირილი კონსტანტინოპოლის პატრიარქ ბართლომეოსს ლიტურგიის დროს აღარ მოიხსენიებს, ანუ მთავარ საეკლესიო ღვთისმსახურებისას, მასზე ლოცვას შეწყვეტს.
საპატრიარქო ლიტურგიის დროს ადგილობრივი ეკლესიების პატრიარქებს რამდენიმეჯერ მოიხსენიებენ. საეკლესიო დიპტიხის მიხედვით, კონსტანტინოპოლის პატრიარქი 15 საეკლესიო მეთაურს შორის, პირველ ადგილზე იხსენიება.
ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა
მაქმანებიანი შავი კაბა და ულამაზესი საყურე - ქეით მიდლტონი მუსიკალურ წარმოდგენაზე შეუდარებლად გამოიყურებოდა
