ჯოჯოხეთი დედამიწაზე - ჰავაიზე ვულკანი კვლავ აქტიურია

ვულკანი ჰავაიზე კვლავ აქტიურია. ხელისუფლებამ ხალხს მოუწოდა, საცხოვრებელი ადგილი დაეტოვებინათ, რისკის ზონაში მცხოვრები მოსახლეობა ევაკუირებულია. CNN-ის ინფორმაციით, ისინი თავშესაფრებში გადაიყვანეს.

დაახლოებით 1 კვირის წინ 1700 ადამიანი იყო ევაკუირებული. მოსახლეობის ნაწილს პირადი ნივთების ასაღებად სახლებამდე მისვლის საშუალება მისცეს, ნაწილს კი მომწამვლელი აირების გამო დასახლებასთან ახლოს მისვლაც კი არ შეუძლია.

ვულკანის ამოფრქვევას წინ უძღვოდა ძლიერი მიწისქვეშა ბიძგები, მათგან ყველაზე მძლავრი 6.9 მაგნიტუდის იყო.