3
აპრილიდღის ზოგადი ასტროლოგიური პროგნოზი
სიმპატიური მამაკაცები, ისევე როგორც მანდილოსნები, მუდმივად ყურადღების ცენტრში არიან. როცა მიმზიდველი ხარ, ბუნებრივია, მეორე ნახევარს ადვილად ვერ არჩევ და ზოგჯერ წლები ისე გადის, რომ სიმპატიური მამაკაცები საქართველოში ოჯახებს არ ქმნიან. Ambebi.ge იმ ქართველი ბიჭების შესახებ გიამბობთ, რომლებიც სასურველი სასიძოს სტატუსს აღარ ატარებენ. ვნახოთ ვისზე შეაჩერეს მათ არჩევანი:
ვანიკო ბენიძე
ვანიკო ბენიძე სასურველი სასიძოს სტატუსს თბილისში წლების მანძილზე ატარებდა და საკმაოდ სამართლიანადაც. თუმცა ამ სტატუსს ცოტა ხნის წინ გამოემშვიდობა და ყველაზე ლამაზ ტელეწამყვანზე იქორწინა. მისი მეუღლე "მოამბის" წამყვანი მარიამ ვაშაძე გახლავთ. წყვილმა არაორდინალური ქორწილი გადაიხადა და თაფლობის თვე მალდივებზე გაატარა.
ვიკა სანიკიძე
ვიქტორ სანიკიძე სასურველი სასიძოს სტატუსს მრავალი წელი ფლობდა. ის ნაკრების ერთადერთი უცოლო კალათბურთელი წლების მანძილზე იყო და შესაბამისად ბევრ გოგონასაც მოსწონდა. მას ხშირად აწყვილებდნენ ცნობილ გოგონებთან, მაგრამ არცერთი ჭორი არ გამართლდა. კალათბურთელმა დაქორწინების გადაწყვეტილება შარშან მიიღო და ულამაზეს მხატვარზე, მაიკო ბიწაძეზე იქორწინა. დაოჯახებულმა სანიკიძემ ნაკრებიც დატოვა.
ბაჩო საგანელიძე
დავით საგანელიძის ძმისშვილი, ბაჩო საგანელიძე წლების წინ თბილისში სასურველ და შეძლებულ სასიძოდ ითვლებოდა. მას უამრავი თაყვანისმცემელი ჰყავდა, თუმცა არჩევანი მსახიობ ლელა მებურიშვილზე შეარჩია და ახლა ბედნიერი ოჯახი აქვთ.
ლევან ფაცაცია
კალათბურთელი ლევან ფაცაცია გასულ წელს დაქორწინდა. მისი მეუღლე ქეთი საბახტარიშვილია. კალათბურთელს მომავალ ცოლთან დაქორწინებამდე რამდენიმე წლიანი ურთიერთობა და ორი წლის ქალიშვილიც აკავშირებდა. ლევანი თიკა ფაცაციას ძმა არის.
ლაშა ლომიძე
მორაგბე ლაშა ლომიძე სასურველი სასიძო მოედანზე გამოჩენისთანავე გახდა. ყველა თანხმდება, რომ ის უსიმპატიურესი ბიჭია, თუმცა მან უკვე იქორწინა, მისი მეუღლე უმშვენიერესი მოდელი ანა შელია გახლავთ. წყვილი ერთად ბევრს მოგზაურობს.
ვატო შაქარიშვილი
დეპუტატი ვატო შაქარიშვილი ფართო საზოგადოებამ ცოტა ხნის წინ გაიცნო, თუმცა მანდილოსნებში ის მანამდეც დიდი პოპულარობით სარგებლობდა. ვატო შაქარიშვილი საკუთარი გარეგნობის გამო, ძალიან პოპულარული ბიჭი გახლდათ და სასურველ სასიძოდაც ითვლებოდა, მაგრამ რამდენიმე წლის წინ, საკუთარი ცხოვრება ჟურნალისტ ნია ქირიას დაუკავშირა და სამაგალითო ოჯახი აქვთ.
