მნიშვნელოვანი ინფორმაცია
11
აპრილიდღის ზოგადი ასტროლოგიური პროგნოზი
პარასკევი, მთვარის მეთოთხმეტე დღე დაიწყება 18:54-ზე, მთვარე სასწორს ესტუმრება 05:12-ზე
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მთაწმინდის საბაგიროს მშენებლობის დასაწყებად, 11-მდე ოჯახის გასახლება იქნება საჭირო
14:38 / 23-04-2018
მთაწმინდის საბაგირო გზის მშენებლობის დასაწყებად უახლოეს პერიოდში ქვედა სადგურის - მეცნიერებათა აკადემიის ეზოს უკან მდებარე ტერიტორიიდან 11–მდე ოჯახის გასახლება იქნება საჭირო.
როგორც „ინტერპრესნიუსს“ თბილისის სატრანსპორტო კომპანიის მთაწმინდის საბაგირო გზის პროექტის მთავარმა მენეჯერმა ლაშა დალაქიშვილმა განუცხადა, ამჟამად მუშაობა მთაწმინდის საბაგირო გზის მშენებლობის ნებართვის მოსაპოვებლად მიმდინარეობს. პარალელურად, ასევე მუშაობა მიდის საბაგიროს ქვედა სადგურის, მეცნიერებათა აკადემიის ეზოს უკან მდებარე ტერიტორიაზე მცხოვრები ოჯახების აღნიშნული ტერიტორიიდან გასაყვანად.
„ეკონომიკის სამინისტროს შესაბამისი სსიპ-იდან საამშენებლო ნებართვის მისაღებად ვმუშობთ. ასევე, ვმუშობთ მოსახლეობასთან, რომლებიც ქვედა სადგურის მიმდებარე ტერიტორიაზე ცხოვრობენ. აღნიშნულ ტერიტორიაზე სამშენებლო მოედანი უნდა განთავსდეს, რადგან ფიზიკურად სხვა ტერიტორია არ არსებობს. იქ დაახლოებით, 11 ოჯახი ცხოვრობს. ვინაიდან, უნდა დავიცვათ ყველა სამშენებლო ნორმა, უსაფრთხოება და ასე შემდეგ, აუცილებელია, მშენებლობის პროცესში აღნიშნული ტერიტორია მცხოვრებლებისგან თავისუფალი იყოს. ამისთვის, სამხარაულის ეროვნულ ბიუროს აღნიშნული ოჯახების უძრავი ქონებების შეფასება დავუკვეთეთ. ველოდებით დასკვნას და ამის შემდეგ კონკრეტული წინადადებებით მივმართავთ მოსახლეობას. როგორც ვიცი, სამხარაულის ბიუროს დასკვნა უკვე მომზადებული აქვს და ჩვენ მომავალი კვირის დასაწყისში გვექნება“, – განაცხადა დალაქიშვილმა.
მისივე თქმით, საბაგირო გზის მშენებლობის ნებართვის მოპოვების შემდეგ თბილისის სატრანსპორტო კომპანია სამუშაოების საწარმოებლად ტენდერს გამოაცხადებს და უშუალოდ სამშენებლო პროცესიც დაიწყება. იგი ქვედა და ზედა სადგურებზე, ასევე ყველა ანძის ბეტონის სამუშოების წარმოებას ითვალისწინებს.
„ყველა ტიპის ექსპერტიზა დასრულებულია, როგორც კონსტრუქციული ნაწილის, ასევე გეოლოგიური და ეკონომიკის სამინისტროს შესაბამისი სსიპ-ი მშენებლობის განხორციელების ნებართვას ამაზე დაყრდნობით გასცემს. საბაგიროს მშენებლობის პროექტით, მოხდება ქვედა სადგურის რეკონსტრუქცია, ზედა სადგური კი, რომელიც მთაწმინდის პარკში იქნება, ხელახლა აშენდება. თუ რა დაჯდება პროექტი, ამის თქმა ამჯერად რთულია, რადგან ავსტრიულ კომპანია „დოპელმაიერთან“ ამჟამად ხელშეკრულების გაფორმების პროცესში ვართ. ეს გულისხმობს არსებული პროექტის ტექნოლოგიური ნაწილის გადაკეთებას. მოგეხსენებათ, მთაწმინდის საბაგიროს თავდაპირველი მარშრუტი „რედისონიდან“ იყო. 2015 წელს არქიტექტურული საბჭოს გადაწყვეტილებით, ეს ლოკაცია შეიცვალა და ისევ მეცნიერებათა აკადემიის ეზოში გადავიდა. ის მოწყობილობები, რომელიც „რედისონის“ წინ სადგურის მოსაწყობად იყო საჭირო, შესაბამის მოდიფიკაციას საჭიროებს. ახლა მოლაპარაკებების პროცესში ვართ კომპანია“ დოპელმაიერთან“ – თუ რა დაჯდება ამ მოწყობილობების მოდიფიცირება და არსებულ პროფილზე მორგება. ამის შემდეგ შეიძლება ითქვას, თუ რა თანხები დაიხარჯება საბაგიროს ახლანდელი მარშრუტისთვის“, – განაცხადა პროექტის მთავარმა მენეჯერმა.
მისივე თქმით, ავსტრიულ კომპანია „დოპელმაიერი“ დანადგარების მონტაჟს განახორციელებს. კერძოდ, სადგურების, ანძების აღჭურვას, კაბინების, ბაგირის მონტაჟს.
მთაწმინდის საბაგირო იგივე პრინციპით იმუშვებს, როგორც რიყის საბაგირო. ანუ მონო–გონდოლის პრინციპით და ამ მიზნით 20 კაბინა უკვე შესყიდულია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
