მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჩეჩნეთში, პოლიციელებზე თავდასხმაში ბრალდებული მოზარდის ცხედარი მოედანზე გამოფინეს - "ადამიანებს ტერიტორიის დატოვების უფლებას არ აძლევდნენ, რამდენიმე ქალმა გონება დაკარგა"
20:28 / 10-04-2025
7 აპრილის, ჩეჩნეთში, აჩხოი-მარტანში უცნობი პირი პატრულის თანამშრომლებს დანით დაესხა თავს. ერთი სამართალდამცავი საავადმყოფოში გარდაიცვალა. თავდამსხმელი, რომელიც არასრულწლოვანი აღმოჩნდა, საპასუხო ცეცხლის შედეგად გარდაიცვალა. მეორე დღეს თავდასხმაში ეჭვმიტანილი მოზარდის ცხედარი ქალაქის მოედანზე გამოიტანეს. რამზან კადიროვმა კი თავდამსხმელის ნათესავების ჩეჩნეთიდან გაძევება მოითხოვა. საგამოძიებო კომიტეტი სამართალდამცველების მკვლელობის მცდელობის ფაქტს იძიებს.
- ვიდეო კადრები ჩეჩნეთის "ტელეგრამის" ოპოზიციურმა არხებმა გაავრცელეს. პირველ ვიდეოში, რომელიც გადაღებულია აჩხოი-მარტანის ადმინისტრაციის მახლობლად, ხალხის ბრბო ახალგაზრდის სხეულთან დგას. ისმის ქალების ტირილი... თვითმხილველების თქმით, "ადამიანებს ტერიტორიის დატოვების უფლებას არ აძლევდნენ, რამდენიმე ქალმა გონება დაკარგა".
"ტელეგრამის" არხი NIYSO, რომელმაც ვიდეო გამოაქვეყნა, ირწმუნება, რომ ცხედარი აქციის დასრულების შემდეგ მოედანზე დარჩა. მეორე ვიდეოში, რომელიც სოციალურ ქსელში გამოჩნდა, მოზარდის ცხედარი სხვა ადგილას დევს, იქვე კი მანქანები მოძრაობენ.
რუსეთის პრეზიდენტთან არსებული ადამიანის უფლებათა დაცვის საბჭოს წევრმა ევა მერკაჩოვამ აჩხოი-მარტანში მომხდარს "ველურობა“ და "შუა საუკუნეები“ უწოდა.
"ეს არ შეესაბამება და არ შეიძლება შეესაბამებოდეს არცერთ სამართლებრივ ნორმებს. კაცობრიობა განვითარდა იმისთვის, რომ თავი დააღწიოს სისხლის ღვრას, სიკვდილით დასჯას და სისასტიკეს საჯარო გამოფენას", - განუცხადა მან Gazeta.ru-ს.
აჩხოი-მარტანში თავდასხმის შემდეგ რამზან კადიროვმა უსაფრთხოების ძალებთან შეხვედრა გამართა.
"მისი მშობლები უნდა განდევნონ რესპუბლიკიდან. განსაკუთრებული პასუხისმგებლობა ეკისრებათ ტერორისტების მშობლებსა და ახლო ნათესავებს - უნდა გააცნობიერონ, რომ მოუწევთ პასუხისგება თავისი საყვარელი ადამიანების დანაშაულებრივ ქმედებებზე", - ნათქვამია კადიროვის "ტელეგრამის" არხზე. ჩეჩნეთის რესპუბლიკის მეთაურმა მოზარდის ქმედებებში უკრაინა დაადანაშაულა.
უკრაინის ხელისუფლებას კადიროვის განცხადებებზე კომენტარი არ გაუკეთებია.
აჩხოი-მარტანი ქალაქური ტიპის დასახლებაა. იგი გროზნოს სამხრეთ-დასავლეთით მდებარეობს. ბოლოს მსგავსი შემთხვევა ამ მხარეში ერთი წლის წინ მოხდა: ცეცხლსასროლი იარაღით შეიარაღებული სამი ადამიანი თავს დაესხა პოლიციელებს. ყველა თავდამსხმელი საპასუხო ცეცხლით დაიღუპა.
ასეთი ისტორიები არც თუ იშვიათია ჩეჩნეთში. კონტრტერორისტული ოპერაციის რეჟიმი 2009 წელს კი გაუქმდა, მაგრამ უშიშროების ძალებზე თავდასხმები მაინც გრძელდება.
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
