3
აპრილიდღის ზოგადი ასტროლოგიური პროგნოზი
თელავის მუნიციპალიტეტის საკრებულოში სიტყვიერი დაპირისპირება გრძელდება, რის გამოც პოლიცია გამოიძახეს. საკრებულოს თავმჯდომარის არჩილ თხლაშიძის თქმით, „ნაციონალურო მოძრაობის“ წევრი გიორგი ბოტკოველი საკებულოს სხდომის ჩაშლას ცდილობს, რის გამოც სამართალდამცველების გამოძახება გახდა საჭირო.
"გიორგი ბოტკოველი და „ნაციონალური მოძრაობა“ მოსახლეობის გამოყენებით ცდილობს საკრებულოს სხდომა ჩაშალოს. ჩვენ არ ჩავშლით სხდომას და სიტუაციის გასანეიტრალებლად სამართალდამცველების გამოძახება გახდა საჭირო. მიწების და საძოვრების თემას დღის წესრიგში შევიტანთ, თუმცა არა პირველ საკითხად. ჩვენ ვთავაზობთ მოსახლეობას სხვა საკითხების განხილვის შემდეგ მათ მიერ დაყენებული საკითხის განხილვას, რაზეც ისინი უარს ამბობენ", - განაცხადა არჩილ თხლაშიძემ.
საკრებულოს სხდომას სოფელ რუისპირის და იყალთოს მოსახლეობა ესწრება. ადგილობრივები საკრებულოს დღის წესრიგის შეცვლას და პირველ საკითხად გაყიდული საძოვრების საკითხის გატანას ითხოვენ.
