თით­ქმის თვე გა­ვი­და რუს­თა­ვის "ოლიმ­პის" მე­ო­რედ გა­ჩემ­პი­ო­ნე­ბის შემ­დეგ. სპე­ცი­ა­ლის­ტე­ბი გა­სულ სე­ზონს აჯა­მე­ბენ, ბევ­რმა ამ­პლუ­ე­ბის მი­ხედ­ვით სა­უ­კე­თე­სო­თა და­სა­ხე­ლე­ბაც გა­ბე­და, ცო­ტამ გა­სუ­ლი სე­ზო­ნის მოვ­ლე­ნე­ბი შე­ა­ფა­სა. სა­კუ­თა­რი რჩე­უ­ლე­ბი ჩვენც გვყავს, მაგ­რამ დღეს მათ­ზე შე­ჩე­რე­ბას არ ვა­პი­რებთ. ახლა ის გვინ­და, რომ ფეხ­ბურთში XXI ეროვ­ნუ­ლი ჩემ­პი­ო­ნა­ტი ციფ­რე­ბით "ავა­მე­ტყვე­ლოთ".

ხომ გა­გი­გი­ათ, "ფულს დათ­ვლა უყ­ვარ­სო". ჰოდა, ვი­ნა­ი­დან ქარ­თულ ფეხ­ბურთში იმ­დე­ნი ფული არაა, რომ ვინ­მემ მისი დათ­ვლით თავი შე­ი­წუ­ხოს, ჩვენც ისღა დაგ­ვრჩე­ნია სა­ფეხ­ბურ­თო ან­გა­რი­შე­ბი, წარ­მა­ტე­ბუ­ლი და წა­რუ­მა­ტე­ბე­ლი სე­რი­ე­ბი დავ­თვა­ლოთ. გამ­გე­ბი ამ ციფ­რე­ბი­და­ნაც ბევ­რს გა­ი­გებს, ზო­გის­თვის დღე­სა­ვით რომ ნა­თე­ლია, იმ ფაქ­ტებს სტა­ტის­ტი­კით "გა­ა­მაგ­რებს". მოკ­ლედ, მო­ემ­ზა­დეთ და და­ვი­წყოთ.

და­ვუშ­ვათ ვა­და­ჭ­კო­რი­ამ გა­ბე­და

ფეხ­ბურთში სა­ქარ­თვე­ლოს XXI ეროვ­ნუ­ლი ჩემ­პი­ო­ნა­ტი (უმაღ­ლე­სი ლიგა) 2009 წლის 1-ელ აგ­ვის­ტოს და­ი­წყო და 2010 წლის 20 მა­ისს დას­რულ­და. 10-მა გუნ­დმა ერ­თმა­ნეთ­ში 4 წრედ იას­პა­რე­ზა და 36 ტუ­რის შემ­დეგ ისე და­ლაგ­დნენ, ქვე­მოთ ნაჩ­ვე­ნებ ცხრილ­ში რო­მაა.

ჩემ­პი­ო­ნატ­ში 180 მატ­ჩი და­ი­წყო და მათ­გან არ­ბიტრმა 179-ში მის­ცა სა­ფი­ნა­ლო სასტვე­ნი. მხო­ლოდ ერ­თში, რო­მე­ლიც ზეს­ტა­ფონ­ში იქა­ურ გუნდსა და რუს­თა­ვის "ოლიმპს" შო­რის მიმ­დი­ნა­რე­ობ­და, გი­ორ­გი ვა­და­ჭ­კო­რი­ამ 83-ე წუთ­ზე (1:1-ზე) შე­წყვი­ტა შეხ­ვედ­რა და სა­კი­თხი გან­სა­ხილ­ვე­ლად ფეხ­ბურ­თის ფე­დე­რა­ცი­ის სა­დის­ციპ­ლი­ნო კო­მი­ტეტს და­უთ­მო. იქ იმ­სჯე­ლეს და ორი­ვე გუნდს ტექ­ნი­კუ­რი მარ­ცხი (0:3) ჩა­უთ­ვა­ლეს. მოკ­ლე ხან­ში აღ­მას­კომ­მა რუს­თა­ვე­ლებს სას­ჯე­ლი უფრო გა­უმ­კაც­რა და გუნდს კი­დევ 3 ქულა და­აკ­ლო.

ვი­ნა­ი­დან 20 მარ­ტის ამ შეხ­ვედ­რა­ში იმერ­ლებ­მაც და ქვე­მო­ქარ­თლე­ლებ­მაც დე-იუ­რედ წა­ა­გეს და არა დე-ფაქ­ტოდ, ჩვენს სტა­ტის­ტი­კა­ში მისი შე­დე­გი 1:1 დავ­ტო­ვეთ. სი­მარ­თლე გი­თხრათ, ძა­ლი­ან დაგ­ვე­ნა­ნა "ოლიმ­პის" თავ­კა­ცის თე­მურ მა­ხა­რა­ძის საკ­მა­ოდ გრძელ­ვა­დი­ა­ნი წა­უ­გე­ბე­ლი სე­რია თით­ქმის 2 თვით ადრე გა­სა­წყვე­ტად. ვი­ნა­ი­დან მეც­ნი­ე­რე­ბა­ში და მათ შო­რის სტა­ტის­ტი­კა­შიც დაშ­ვე­ბა და­საშ­ვე­ბია, და­ვუშ­ვათ არ­ბიტრმა ვა­და­ჭ­კო­რი­ამ გა­ბე­და, ის მატ­ჩი ბო­ლომ­დე ჩა­ამ­თავ­რა და შე­დე­გიც არ შეც­ვლი­ლა (არა­და, თვითმხილ­ველ­თა თქმით, მსაჯს სწო­რედ იმის შე­ე­შინ­და, ვა­ი­თუ დარ­ჩე­ნილ დრო­ში რო­მე­ლი­მე გუნ­დმა გოლი გა­ი­ტა­ნო­სო და მეტ­წი­ლად იმი­ტო­მაც არ და­ამ­თავ­რე­ბი­ნა ნა­ჩხუ­ბარ­ზე და­შოშ­მი­ნე­ბულ ფეხ­ბურ­თე­ლებს). მგო­ნი, არა­ფერს და­ვა­შა­ვებთ.

ზამ­თარ­ში გა­მო­ფხიზ­ლე­ბუ­ლი სტუმ­რე­ბი

180 მატჩში მას­პინ­ძლებ­მა 81 მო­ი­გეს, სტუმ­რებ­მა - 48, ხოლო 51 შეხ­ვედ­რა­ში ფრე და­ფიქ­სირ­და, ბურ­თე­ბის სხვა­ო­ბა 259:172. სულ 431 გოლი გა­ვი­და, რაც სა­შუ­ა­ლოდ ერთ მატჩზე გა­და­ან­გა­რი­შე­ბით 2,39-ს უტოლ­დე­ბა.

მას­პინ­ძელ­თა უპი­რა­ტე­სო­ბა 4-დან 3 წრე­ში იყო, აი, ე.წ. ზამ­თრის (5 თე­ბერ­ვლი­დან 28 მარ­ტის ჩათ­ვლით) III წრე­ში კი, თავი ფა­ვო­რიტ­მა სტუმ­რებ­მა გა­მო­ი­ჩი­ნეს და 16-16-ჯერ მო­გე­ბუ­ლი და ფრედ დამ­თავ­რე­ბუ­ლი მატ­ჩე­ბის წილ, მხო­ლოდ 13-ში წა­ა­გეს.

ჩემ­პი­ო­ნა­ტის გან­მავ­ლო­ბა­ში 3 შემ­თხვე­ვა იყო, როცა მას­პინ­ძლებ­მა ტუ­რის 5-ვე შეხ­ვედ­რა მო­ი­გეს (III, XV და XXXVI), მათ­გან გა­ტა­ნილ-გაშ­ვე­ბუ­ლი ბურ­თე­ბის სა­უ­კე­თე­სო ბა­ლან­სი ბოლო შემ­თხვე­ვა­ში და­ფიქ­სირ­და - 17:2. რაც შე­ე­ხე­ბათ სტუმ­რებს, მათი ბე­ნე­ფი­სი 2010 წლის 21 თე­ბერ­ვალს XXII ტურ­ში შედ­გა. ამ დღეს მათ მხო­ლოდ ქულა და­უ­ტო­ვეს მას­პინ­ძლებს, და­ნარ­ჩენ 4 შეხ­ვედ­რა­ში კი მო­ი­გეს (ბურ­თე­ბის ბა­ლან­სით 7:2).

გა­ტა­ნი­ლი გო­ლე­ბის რე­კორ­დუ­ლი ოდე­ნო­ბით 2009 წლის 17 ოქ­ტომ­ბერს გა­მარ­თუ­ლი XI ტური გა­მო­ირ­ჩა. ამ დღეს გუნ­დებ­მა 23 გოლი (სა­შუ­ა­ლოდ 4,6 გოლი მატჩში) გა­ი­ტა­ნეს. გო­ლე­ბის მხრივ ყვე­ლა­ზე "ღა­რი­ბი" იყო IV ტური - 22 აგ­ვის­ტოს იქეთ-აქეთ სულ 4 გოლი (სა­შუ­ა­ლოდ 0,8 გოლი მატჩში) გა­ვი­და.

17-დან 14 იმერ­ლე­ბი­საა

XXI ეროვ­ნუ­ლი ჩემ­პი­ო­ნა­ტის 180 მატჩში 17-ნა­ი­რი შე­დე­გი და­ფიქ­სირ­და. სა­ფი­ნა­ლო სასტვე­ნის შემ­დეგ ტაბ­ლო­ზე ყვე­ლა­ზე მეტ­ჯერ 1:0 (ან 0:1) დარ­ჩა. ასე მოხ­და 37-ჯერ. ეს ან­გა­რი­ში "ზეს­ტა­ფო­ნი­სა" და ზუგ­დი­დის "ბა­ი­ას" სა­მატ­ჩო ოქ­მებ­ში 10-10-ჯერ და­ფიქ­სირ­და, თუმ­ცა თუ იმერ­ლებ­მა მათ­გან 7 შემ­თხვე­ვა­ში მო­ი­გეს, მეგ­რე­ლებ­მა 9-ში წა­ა­გეს. 0:1 კი­დევ ერთი გუნ­დის­თვის იყო "სა­ტურ­ნი­რო თი­ლის­მა". "გაგ­რამ" ასე­თი ან­გა­რი­შით 9-დან 8 შემ­თხვე­ვა­ში და­ტო­ვა მინ­დო­რი წა­გე­ბულ­მა.

პო­პუ­ლა­რულ ან­გა­რიშ­თა შო­რის მე-2 ად­გილ­ზეა 2:0 - 24-ჯერ (რე­კორდსმე­ნი თბი­ლი­სის "დი­ნა­მო" - 7 (აქე­დან 6 მო­ი­გო)). შემ­დეგ მო­დის 2:1 - 23-ჯერ (რე­კორდსმე­ნე­ბი ცხინ­ვა­ლის "სპარ­ტა­კი" და თბი­ლი­სის "ვიტ ჯორ­ჯია" - 7 (5 მო­ი­გო)). 22-ჯერ და­ფიქ­სირ­და 1:1, 21-ჯერ კი - 0:0. ნუ­ლო­ვა­ნი შე­დე­გით ყვე­ლა­ზე ხში­რად (8) ბოლ­ნი­სის "სი­ო­ნის" მატ­ჩე­ბი დამ­თავ­რდა. ს/კ "სამ­ტრე­დია" ერ­თა­დერ­თი ქარ­თუ­ლი გუნ­დი გახ­ლდათ, რო­მელ­საც გა­სულ სე­ზონ­ში ასე­თი ან­გა­რი­შით არ უთა­მა­შია.

კი­დევ და­ფიქ­სი­რე­ბუ­ლი სხვა შე­დე­გე­ბის ციფ­რუ­ლი სტა­ტის­ტი­კა ასე­თია 4:1 - 10, 3:0 - 9, 3:1 - 9, 2:2 - 7, 4:0 - 6, 5:0 - 3, 6:0 - 2, 5:1 - 2, 3:2 - 2, 4:2 - 1, 4:3 - 1, 3:3 - 1.

"სამ­ტრე­დია" ან­გა­რი­შებ­თან მი­მარ­თე­ბა­ში ერთხე­ლაც, თუმ­ცა თა­ნა­რე­გი­ო­ნელ ზეს­ტა­ფო­ნე­ლებ­თან ერ­თად უნდა ვახ­სე­ნოთ. ამ იმე­რულ კლუბ­თა შეხ­ვედ­რებ­ში, სა­ერ­თოდ და­ფიქ­სი­რე­ბუ­ლი 17 სხვა­დას­ხვა შე­დე­გი­დან, ყვე­ლა­ზე მეტი 14-ნა­ი­რი ან­გა­რი­ში დარ­ჩა ტაბ­ლო­ზე. ყვე­ლა­ზე ნაკ­ლე­ბი არ­ჩე­ვა­ნი კი, თბი­ლი­სის "ლო­კო­მო­ტივს" ჰქონ­და - 8.

ერ­თიც სამ­ტრე­დი­ე­ლებ­ზე და მალე "სე­რი­ებ­ზე" გა­და­ვი­დეთ - იქ მათი ხსე­ნე­ბა აღარ იქ­ნე­ბა. ყვე­ლა­ზე მეტი გოლი "სამ­ტრე­დი­ას" მო­ნა­წი­ლე­ო­ბით გა­მარ­თულ შეხ­ვედ­რებ­ში გა­ვი­და - 111 (სა­შუ­ა­ლოდ 3,08 გოლი მატჩში). ამ მხრივ, ყვე­ლა­ზე მოკ­რძა­ლე­ბუ­ლი მაჩ­ვე­ნე­ბე­ლი პირ­ველ ლი­გა­ში დაქ­ვე­ი­თე­ბულ "ლო­კო­მო­ტივს" აქვს - 69 (სა­შუ­ა­ლოდ 1,92 გოლი). ახა­ლი სე­ზო­ნი­დან სა­ინ­ტე­რე­სო დაკ­ვირ­ვე­ბის მო­ლო­დინ­ში იქ­ნე­ბი­ან სპე­ცი­ა­ლის­ტე­ბი, რად­გან იმე­რელ­თა მარ­თვის სა­და­ვე­ე­ბი გა­სულ სე­ზონ­ში რკი­ნიგ­ზე­ლე­ბის გამ­წვრთნელ­მა გელა სა­ნა­ი­ამ ჩა­ი­ბა­რა.

ჩემ­პი­ო­ნატ­ზე დიდი ან­გა­რი­შით (3 და მეტი ბურ­თის სხვა­ო­ბით) სულ 32 მატ­ჩი დას­რულ­და. მო­გე­ბა­თა მხრივ რე­კორდსმე­ნი თბი­ლი­სის "დი­ნა­მოა" - 9, ხოლო წა­გე­ბა­თა მხრივ ცხინ­ვა­ლის "სპარ­ტა­კი" - 6. "ზეს­ტა­ფონ­მა" ისე და­ამ­თავ­რა ჩემ­პი­ო­ნა­ტი, რომ დიდი ან­გა­რი­შით არ წა­უ­გია, აი, "ლო­კო­მო­ტი­ვი" კი, ერ­თა­დერ­თი გუნ­დია, რო­მელ­საც ასე­თი ან­გა­რი­შით არ მო­უ­გია.

გაგ­რუ­ლი ტრი­ოს "ნაშ­რო­მი"

წა­უ­გე­ბე­ლი მატ­ჩე­ბის ყვე­ლა­ზე ხან­გრძლი­ვი სე­რია ქვეყ­ნის ჩემ­პი­ონ რუს­თა­ვის "ოლიმპს" უკავ­შირ­დე­ბა. VI ტურ­ში თბი­ლის­ში "დი­ნა­მოს­თან" გან­ცდი­ლი მარ­ცხის (0:4) შემ­დეგ ქვე­მო­ქარ­თლე­ლებ­მა ზე­დი­ზედ 27 მატჩში არ იცოდ­ნენ წა­გე­ბის გემო. რუს­თა­ველ­თათ­ვის მარ­ცხი­ა­ნი აღ­მოჩ­ნდა ფა­შის­ტურ გერ­მა­ნი­ა­ზე გა­მარ­ჯვე­ბის დღე - 9 მა­ი­სი. ამ დღეს თე­მურ მა­ხა­რა­ძის გაწ­ვრთნილ­მა "ოლიმპმა" თბი­ლი­სის "ვიტ ჯორ­ჯი­ას­თან" 0:2 წა­ა­გო.

ამა­ვე დღეს დას­რულ­და მა­ხა­რა­ძის უფრო ხან­გრძლი­ვი წარ­მა­ტე­ბუ­ლი სე­რია. მო­გეხ­სე­ნე­ბათ, ეს სპე­ცი­ა­ლის­ტი ჩემ­პი­ო­ნა­ტის სა­წყის 11 ტურ­ში ბოლ­ნი­სის "სი­ონს" წვრთნი­და. სწო­რედ ამ გუნ­დი­დან გა­მო­ყო­ლილ 7 წა­უ­გე­ბელ მატჩს მა­ხა­რა­ძემ "ოლიმპში" 22 და­უ­მა­ტა და მისი სე­რია 239 დღეს გაგ­რძელ­და.

მო­უ­გე­ბე­ლი მატ­ჩე­ბის ყვე­ლა­ზე ხან­გრძლი­ვი სე­რია ჰქონ­და ს/კ "გაგ­რას". ამ სე­რი­ას ფა­სიც "გან­სა­კუთ­რე­ბუ­ლი" აქვს, რად­გან გუნ­დმა იგი 3 მთა­ვა­რი მწვრთნე­ლის ხელ­ში "შექ­მნა" (2009 წლის 22 ნო­ემ­ბრი­დან 2010 წლის 9 მა­ი­სი). 19-მატ­ჩი­ა­ნი სე­რია მწვრთნე­ლებ­ზე ასე­თი თან­მიმ­დევ­რო­ბით გა­და­ნა­წილ­და - ვიქ­ტორ კაშ­ჩეი -2, კახი კა­რა­ნა­ძე - 11, ანა­ტო­ლი პის­კო­ვე­ცი - 6.

თბი­ლი­სის "დი­ნა­მომ" და რუს­თა­ვის "ოლიმპმა" ზე­დი­ზედ 13 შეხ­ვედ­რა ისე ჩა­ამ­თავ­რეს, რომ მე­ტო­ქის­თვის გოლი გაჰ­ქონ­დათ. თუმ­ცა აქ უპი­რა­ტე­სო­ბა ქვე­მო­ქარ­თლელ­თა მხა­რეს უნდა იყოს, რად­გან მათ ამ სე­რი­ა­ში 34 გოლი გა­ი­ტა­ნეს, თბი­ლი­სე­ლებ­მა კი - 25.

უგო­ლო სე­რი­ით გა­მო­ირ­ჩა კი­დევ ერთი ქვე­მო­ქარ­თლუ­რი გუნ­დი ბოლ­ნი­სის "სი­ო­ნი". ამ გუნ­დმა, სა­თა­ვე­ში ხვი­ჩა ქას­რაშ­ვი­ლის მოს­ვლი­დან ზე­დი­ზედ 6 მატჩში ვერ შეძ­ლო მე­ტო­ქის­თვის გო­ლის გა­ტა­ნა, მერე კი ერ­თბა­შად "აი­წყვი­ტა" და ჩემ­პი­ო­ნა­ტი ცხრი­ლის მე-6 სა­ფე­ხურ­ზე და­ამ­თავ­რა.

ყვე­ლა­ზე ხან­გრძლი­ვი გოლ­გა­უშ­ვე­ბე­ლი სე­რია ჰქონ­და რუს­თა­ვის "ოლიმპს". მის­მა კი­პერ­მა გრი­გოლ ჭან­ტუ­რი­ამ ზე­დი­ზედ 5 შეხ­ვედ­რა­ში შეძ­ლო კა­რის "მშრა­ლად" შე­ნარ­ჩუ­ნე­ბა. ზე­დი­ზედ 4 მატჩში მო­ა­ხერ­ხა ასე­თი რამ თბი­ლი­სის "დი­ნა­მოს" კი­პერ­მა გი­ორ­გი ლო­რი­ამ.

ამ მხრივ სრუ­ლი­ად სა­პი­რის­პი­რო შე­დე­გი აქვთ თბი­ლი­სის "ლო­კო­მო­ტი­ვის" მე­კა­რე­ებს. რკი­ნიგ­ზე­ლებ­მა გა­სუ­ლი ჩემ­პი­ო­ნა­ტის ბოლო 13 მატჩში ერთხე­ლაც ვერ შეძ­ლეს კა­რის სრუ­ლი უსაფრ­თხო­ე­ბის დაც­ვა.

"ლო­კო­მო­ტივ­მა" ყვე­ლა­ზე მეტ­ჯერ (21) და­ტო­ვა მინ­დო­რი ისე, რომ მე­ტო­ქეს გოლი ერთხე­ლაც ვერ გა­უ­ტა­ნა. რაც შე­ე­ხე­ბა ჩემ­პი­ო­ნა­ტის სა­უ­კე­თე­სო გუნდს რუს­თა­ვის "ოლიმპს", მან 36-დან 31 მატჩში შეძ­ლო მო­წი­ნა­აღ­მდე­გის ერთხელ მა­ინც დამ­წუხ­რე­ბა.

ფრი­დონ კერ­ვა­ლიშ­ვი­ლი

"მსოფ­ლიო სპორ­ტი"