3
აპრილიდღის ზოგადი ასტროლოგიური პროგნოზი
არ ვფიქრობ, რომ საქართველოს ხელისუფლება პირდაპირ რუსეთს ემსახურება, მაგრამ ისინი ერიდებიან რუსეთის გაღიზიანებას, - ამის შესახებ "ევროპული საქართველოს" ლიდერმა დავით ბაქრაძემ "პალიტრანიუსის" გადაცემა "360 გრადუსში" სტუმრობისას განაცხადა.
ბაქრაძემ ისაუბრა ხელისუფლების არასაკმარის აქტივობაზე რუსეთის ოკუპაციის გასაპროტესტებლად.
"მე არ მინდა შევიდე რაღაც შეთქმულების თეორიაში და არ ვფიქრობ, რომ ეს ხელისუფლება პირდაპირ რუსეთს ემსახურება, მაგრამ ისინი ერიდებიან რუსეთის გაღიზიანებას, ეს მათ ხშირად აქვთ ნათქვამი და თავიდანვე "ქართული ოცნების" თეზისი იყო, რომ საქართველო არ უნდა იყოს უთანხმოების საგანი დასავლეთსა და რუსეთს შორის. მე ეს ფუნდამენტურად არასწორად მიმაჩნია. როდესაც რუსეთი ფუნდამენტურად ცუდად გექცევა და გჩაგრავს, შენ უნდა იყო უთანხმოების საგანი და ეს დაადასტურა აშშ-ის ვიცე-პრეზიდენტის განცხადებებმა. ვიცე-პრეზიდენტს დღეს რომ ეთქვა, ამერიკა არაფერს იზამს და არ დაუპირსპირდება რუსეთს საქართველოს დასაცავადო, ეს იქნებოდა იმ პოსტულატის ასრულება, რაც "ქართულ ოცნებას" ჰქონდა 4 წლის წინ. არავის სიამოვნებს დაპირისპირების მიზეზად ყოფნა, მაგრამ როდესაც ვიღაც ცუდად გექცევა, სხვა თუ არ გამოგესარჩლა, სხვა საშუალება თავის დაცვის არ რჩება", - განაცხადა ბაქრაძემ.
