მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ოთხშაბათი, მთვარის მეხუთე დღე დაიწყება 07:57-ზე, მთვარე ტყუპშია
მოერიდეთ ახალი საქმეების დაწყებას, მნიშვნელოვანი გადაწყვეტილებების მიღებას. უძრავი ქონების ყიდვა-გაყიდვა სხვა დღისთვის გადადეთ. არ გირჩევთ საქმეების, ურთიერთობის გარჩევას. მშვიდად აკეთეთ თქვენი საქმე. ნუ განიხილავთ ახალ პროექტებს. ივარჯიშეთ.ცუდი დღეა ნიშნობისა და ქორწინებისთვის. მოერიდეთ ცხოველური საკვებს. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვინ და რა ქონებას იღებს სახელმწიფოსგან 1 ლარად წლების განმავლობაში
07:55 / 21-03-2017
2013-2016 წლებში საქართველოს მთავრობამ 232 განკარგულება გამოსცა, რომლის თანახმადაც, კონკრეტულ ფიზიკურ პირებსა თუ კომპანიებს სახელმწიფო ქონება სიმბოლურ ფასად გადაეცათ. აღნიშნული სტატისტიკა AMBEBI.GE-ს საქართველოს ეკონომიკისა და მდგრადი განვითარების სამინისტროს სსიპ სახელმწიფო ქონების მართვის სააგენტომ ინფორმაციის გამოთხოვის საფუძველზე მიაწოდა.
რიგ შემთხვევაში ერთი განკარგულებით რამდენიმე ქონების გადაცემა ხდებოდა ერთ ან რამდენიმე პირზე. ეს ნიშნავს, რომ რეალურად ამ წლების განმავლობაში 232 ერთეულზე ბევრად მეტი ქონებაა გასხვისებული. საუბარია ძირითადად უძრავ ქონებაზე - განკარგულებათა უმეტესობა სწორედ მიწის ნაკვეთების გადაცემას ეხება.
საქართველოს კანონმდებლობის თანახმად, სახელმწიფო ქონება სიმბოლურ ფასად შეიძლება გადაეცეთ იძულებით გადაადგილებულ პირებს, ეკომიგრანტებს, სოციალურად დაუცველებს, საქართველოს მართლმადიდებელ ეკლესიას და ინვესტორებს წახალისების მიზნით. სახელმწიფო ქონების უსასყიდლოდ საკუთრებაში გადაცემა შეიძლება განხორციელდეს როგორც პირობებით, ასევე პირობების გარეშე.
იმ კომპანიების რიცხვში, რომლებიც სახელმწიფოს მიერ განიხილებოდნენ როგორც ინვესტორები და მათზე სახელმწიფო ქონების გადაცემა საინვესტიციო პირობით ხდებოდა, არიან: "მ2"," შატო მუხრანი", "სოკარ ჯორჯია გაზი" და სხვა მრავალი კომპანია. ასევე, ქონების არაერთგზის მიმღებთა სიაში არიან - "თელასი" და Georgian Water and Power.
ფიზიკურ პირებსა და საქართველოს სამოციქული ავტოკეფალურ მართლმადიდებლურ ეკლესიაზე გადაცემის განკარგულებებში ქონების გადაცემის პირობები არ არის დაზუსტებული.
2013 წელს სახელმწიფო ქონების გასხვისების შესახებ სულ 24 ბრძანება გაიცა. მათგან 8 განკარგულებით სახელმწიფო ქონების მიმღები იყო კერძო კომპანია ან ა(ა)იპ, 10 განკარგულებით - ფიზიკური პირი, 3 განკარგულებით - საქართველოს სამოციქული ავტოკეფალური მართლმადიდებლური ეკლესია და 3 განკარგულებით - ოკუპირებული ტერიტორიებიდან დევნილები. კერძო პირებზე გაცემული განკარგულებებიდან ერთი ეხებოდა დაღუპული სამხედრო მოსამსახურეების ოჯახის წევრებს - ამ ბრძანებით 21 ოჯახს გადაეცა უძრავი ქონება.
2014 წელს სხვა წლებთან შედარებით ყველაზე მეტი - 84 განკარგულება გაიცა. მათგან 53 განკარგულებით ქონება გადაეცა კომპანიას ან ა(ა)იპ-ს, 15 განკარგულებით - ფიზიკურ პირს, 18 განკარგულებით - საქართველოს სამოციქული ავტოკეფალური მართლმადიდებლური ეკლესიას და 8 განკარგულებით - ოკუპირებული ტერიტორიებიდან დევნილებს.
2015 წელს ქონების სიმბოლურ ფასად გასხვისების 55 განკარგულება გაიცა. საერთო რაოდენობიდან 38 განკარგულებით ქონება გასხვისდა კერძო კომპანიაზე ან ა(ა)იპ-ზე, 14 განკარგულებით - კერძო პირზე, 1 განკარგულებით - საქართველოს სამოციქულო ავტოკეფალურ მართლმადიდებლურ ეკლესიაზე და 2 განკარგულებით ოკუპირებული ტერიტორიებიდან დევნილებზე.
2016 წელს სახელმწიფო ქონების სიმბოლურ ფასად გასხვისების 68 განკარგულება გაიცა. მათგან 40 განკარგულებით სახელმწიფო ქონების მიმღები იყო კერძო კომპანია ან ა(ა)იპ, 25 განკარგულებით - ფიზიკური პირი, 3 განკარგულებით კი - ოკუპირებული ტერიტორიებიდან დევნილები.
სააკაშვილის ხელისუფლების პირობებში, წლების განმავლობაში სახელმწიფო ქონების პირდაპირი მიყიდვის ფორმით პრივატიზება ეკონომიკის და მდგრადი განვითარების მინისტრის შესაბამისი ბრძანებით და "სახელმწიფო ქონების შესახებ" საქართველოს კანონით რეგულირდებოდა. აღნიშნული კანონის მიხედვით, სახელმწიფო ქონების პირდაპირი მიყიდვისა და კონკურენტული შერჩევის საფუძველზე, პირდაპირი მიყიდვის თაობაზე გადაწყვეტილებას იღებდა და შესაბამის პირობებს ადგენდა საქართველოს პრეზიდენტი, რომლის განკარგულებითაც გაიცემოდა სხვადასხვა სახის ქონება კერძო პირებზე.
ივანიშვილის მთავრობის მოსვლის შემდეგ, პრეზიდენტმა სახელმწიფო ქონების პირდაპირი მიყიდვის ფორმის უფლებამოსილება დაკარგა. ეკონომიკისა და მდგრადი განვითარების სამინისტროს კანონპროექტის მიხედვით, სახელმწიფო ქონების პირდაპირი მიყიდვის ფორმით პრივატიზებას, წილებისა და აქციების მართვის უფლებით გადაცემას პირდაპირი გადაცემის ფორმით მთავრობა ახორციელებს.
ნანა მღებრიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვლადიმირ პუტინმა სამხედრო სამსახურში საგაზაფხულო გაწვევის შესახებ ბრძანებას ხელი მოაწერა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
