4
აპრილიდღის ზოგადი ასტროლოგიური პროგნოზი
11-18 იანვრამდე საქართველოს უმეტეს რაიონებში ძირითადად უნალექო ამინდია მოსალოდნელი. როგორც "ინტერპრესნიუსს" გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსმა სვეტლანა ნიორაძემ განუცხადა, ევროპის ქვეყნებში არსებული არქტიკული, ცივი ჰაერის მასების საქართველოს ტერიტორიაზე გავრცელება არ მოხდება და უახლოესი ერთი კვირის განმავლობაში ქვეყანაში თბილი ამინდი შენარჩუნდება.
"ანომალიური სიცივე, ყინვები ან დიდთოვლობა მოსალოდნელი არ არის. კავკასიონის ქედი, შავი და კასპის ზღვები ამ ცივი, არქტიკული ჰაერის მასების ქვეყნის ტერიტორიაზე გავრცელებას ხელს უშლის. ამასთან, აფრიკის ჩრდილოეთ ნაწილიდან თბილი ჰაერის მასების შემოსვლა ხდება", - განაცხადა ნიორაძემ.
მისივე თქმით, ხვალ, მხოლოდ ერთი დღის განმავლობაში, დასავლეთ საქართველოში უმეტეს რაიონებში ნალექია მოსალოდნელი, მთაში თოვლის სახით. 11 იანვირდან კი გამოიდარებს. ხვალ აღმოსავლეთ საქართველოში ზოგიერთ რაიონში იწვიმებს, მთაში მოთოვს. ზოგან ქარი გაძლიერდება, რომლის სიჩქარე წამში დროგამოშვებით 17-22 მეტრი იქნება. მთიან რაიონებში კი შესაძლებელია ქარბუქი.
ხვალ დასავლეთ საქართველოს დაბლობში ჰაერის მაქისმალური ტემპერატურა დღისით 5-10 გრადუსი იქნება; აღმოსავლეთ საქართველოს ბარში კი 7-12 გრადუსი; 11-12 იანვარს საქართველოს უმეტეს რაიონებში უნალექო ამინდია მოსალოდნელი.
დასავლეთ საქართველოს დაბლობში დღისით ჰაერის მაქსიმალური ტემპერატურა 10-15 გრადუსი იქნება; აღმოსავლეთ საქართველში - 4-9 გრადუსი;
13-15 იანვარს საქართველოში დღისით ჰაერის მაქისმალური ტემპერატურა 6-11 გრადუსის ფარგლებსი იქნება; აღმოსავლეთ ბარში ღამით კი შესაძლებელია დაბალი ყინვები დაფიქსირდეს.
თბილისში ხვალ დღისით მცირე წვიმაა მოსალოდნელი. ქარი გაძლიერდება, რომლის სიჩქარე წამში 10-15 მერტი იქნება, დროგამოშვებით 17-22 მეტრი.
თბილისში დღეს ღამით -1 გრადუსი დაფიქსირდება; 11-12 იანვარს ღამით -3 გრადუსი.
11-დან 18 იანვრამდე დედაქალაქში მეტწილად უნალექო ამინდია მოსალოდნელი. დღისით ჰაერის მაქსიმალური ტემპერატურა 8-11 გრადუსის ფარგლებში იქნება.
