"ნაციონალური მოძრაობა" ძველ ოფისში ბრუნდება

"ნაციონალური მოძრაობა" მომავალი კვირიდან ძველ ოფისს უბრუნდება. როგორც AMBEBI.GE-სთან საუბარში პარტიის პრესსამსახურში განაცხადეს, პარტია კახეთის გზატკეცილზე მდებარე ცენტრალურ ოფისს 12 დეკემბრიდან დაუბრუნდება.

"ამჟამინდელი ოფისი, რომელიც სობჩაკის ქუჩაზე მდებარეობს, იჯარით გვაქვს აღებული. ამ ოფისს მთლიანად ვტოვებთ და ვუბრუნდებით ცენტრალურ ოფისს", - აცხადებენ "ნაციონალურ მოძრაობაში".

პარტია სობჩაკის ქუჩაზე მდებარე ოფისში დაახლოებით ერთი წლის წინ გადავიდა. კახეთის გზატკეცილზე მდებარე ოფისში "ნაციონალური მოძრაობა" 2011 წლიდან იმყოფებოდა. სობჩაკის ქუჩაზე გადასვლის შემდეგ პარტიის ხელმძღვანელობა გარკვეული პერიოდი ყოფილი ოფისის გაყიდვასაც ცდილობდა, თუმცა შემდეგ გადაწყვეტილება შეცვალეს და ძველ ოფისში დაბრუნება გადაწყვიტეს.

ლექსო ნაბახტეველი

AMBEBI.GE