მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ოთხშაბათი, მთვარის მეხუთე დღე დაიწყება 07:57-ზე, მთვარე ტყუპშია
მოერიდეთ ახალი საქმეების დაწყებას, მნიშვნელოვანი გადაწყვეტილებების მიღებას. უძრავი ქონების ყიდვა-გაყიდვა სხვა დღისთვის გადადეთ. არ გირჩევთ საქმეების, ურთიერთობის გარჩევას. მშვიდად აკეთეთ თქვენი საქმე. ნუ განიხილავთ ახალ პროექტებს. ივარჯიშეთ.ცუდი დღეა ნიშნობისა და ქორწინებისთვის. მოერიდეთ ცხოველური საკვებს. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ნიკოლოზ ჯანჯღავა - კარიერისტი თუ ღირსეული სამხედრო?
05:17 / 27-11-2016
გენერალური შტაბის უფროსის, გენერალ ვლადიმერ ჩაჩიბაიას პირველ მოადგილედ, პოლკოვნიკი ნიკოლოზ ჯანჯღავა დაინიშნა.
შეიარაღებულ ძალებსა და ზოგადად, ქართულ საზოგადოებაში მის პერსონასთან დაკავშირებით აზრთა სხვადასხვაობაა, - ერთი ნაწილის თქმით, ის ღირსეული სამხედროა, ჯარისკაცული სულისკვეთებითა და ამერიკული განათლებით. თუმცა, მეომრების ნაწილისთვის ჯანჯღავა კატეგორიულად მიუღებელია, - მათი თქმით, პოლკოვნიკ ჯანჯღავას გენშტაბის უფროსის პირველი მოადგილის პოზიციაზე დანიშვნა თავდაცვის მინისტრის არჩევანი არ არის, ის შეცდომაშია შეყვანილი და ის ამ გადაწყვეტილებას აუცილებლად ინანებს. შეიარაღებულ ძალებში აქტიურად საუბრობენ პოლკოვნიკ ჯანჯღავას წარსულზე და მას "ნაციონალური მოძრაობის" მმართელობის დროს, არაეფექტური რეზერვის სისტემის შექმნას ახსენებენ.
მოქმედი და ყოფილი სამხედროების ნაწილის თქმით, ჯანჯღავას მიმართ საზოგადოებაში შექმნილი წარმოდგენა, მის მაღალპროფესიონალიზმზე, საფუძველს მოკლებულია. ისევე, როგორც ლეგენდები, რომელსაც მასზე ჰყვებიან და რომლის თანახმადაც ჯუნგლებში გაშვებული "კომანდოსის" 50-კაციანი ჯგუფიდან, რომელთაც შორისაც იყო ნიკოლოზ ჯანჯღავა, ორნი გადარჩნენ, - ერთი ფერადკანიანი და ჯანჯღავა; ისიც, რომ ამერიკის ბაზაზე, სადაც რეინჯერებს წვრთნიან, დღემდე წერია: "შენ შეიძლება გახდე რეინჯერი, მაგრამ ვერასდროს გახდები ჯანჯღავა".
თუმცა, მეორე ნაწილის თქმით, - ჯანჯღავა გამორჩეულია სამხედრო დისციპლინით, რომელიც ასე აკლია ქართულ არმიას. ერთხელ ის ჯარს მიმართავდა სიტყვით, რა დროსაც ქუდი მოსძვრა, რისთვისაც პოლკოვნიკმა თავი დაისაჯა... მათივე თქმით, ამერიკაში სამხედრო განათლება მიღებული ჯანჯღავას პრინციპულობა და სიმკაცრე მიუღებელია ბევრისთვის. მის მიმართ ასეთი რადიკალური განწყობა იმითაც აიხსნება, რომ თავის დროზე, ჯანჯღავა კატეგორიულად აპროტესტებდა საქართველოს შეიარაღებულ ძალებში დიდი რაოდენობით მაღალი რანგის სამხედროების არსებობას, რომელთაც წოდების შესაფერისი სამხედრო განაღლება და გამოცდილება არ ჰქონდათ, რის გამოც მათ გულისწყრომასაც ვერ ასცდა...
რაც შეეხება, რეზერვის საკითხს, რეზერვგამოვლილების თქმით, მაშინ როდესაც გვარდიის სარდალი ჯანჯღავა იყო, რეზერვი დისციპლინით გამოირჩეოდა, თუმცა მისი წასვლის შემდეგ, სისტემა მალევე მოირყა... გავრცელებული ინფორმაციით, 2007 წლის 7 ნოემბერს მას აქციის დაშლა უბრძანეს, რაზეც უარი განაცხადა, რაც მასა და "ნაციონალური მოძრაობის" ხელისუფლებას შორის განხეთქილების დაწყების მიზეზი გახდა...
2012 წლის, 20 აგვისტოს ის პოლიციისთვის წინააღმდეგობის გაწევის ბრალდებით დააკავეს. მას ორთვიანი ადმინისტრაციული პატიმრობა ჰქონდა შეფარდებული, მაგრამ სასამართლოს გადაწყვეტილებით, სასჯელი შეუმსუბუქდა და იზოლატორი 12 დღით ადრე დატოვა. მაშინ, პატიმრობიდან გათავისუფლებული ჯანჯღავა ამბობდა, რომ მის ოჯახზე ზეწოლა ხორციელდებოდა, რათა არ გახმაურებულიყო მისი დაკავების ფაქტი...
დაპატიმრებამდე პოლკოვნიკი ჯანჯღავა, სულ რამდენიმე დღის დაბრუნებული იყო ვაშინგტონიდან, სადაც მან პენტაგონის ყველაზე პრესტიჟული აკადემია "ომის კოლეჯი" დაამთავრა. ჯანჯღავა ფიქრობს, რომ იგი დააპატიმრეს პირადად ბაჩო ახალაიას ბრძანებით, რომელიც, რომ დასცლოდა, კიდევ ერთ ახალ შეთქმულებას "გახსნიდა" შეიარაღებულ ძალებში.
გაამართლებს თუ არა, ვლადიმერ ჩაჩიბაიას, როგორც სამხედროების ერთი ნაწილი აცხადებს, "რისკიანი არჩევანი", ამის შესახებ ყველაზე კარგ პასუხს დრო გაგვცემს, მანამდე კი, გადავხედოთ ნიკოლოზ ჯანჯღავას მიერ განვლილ გზას.
განათლება:
დაამთავრა ქ. თბილისის 64-ე საშუალო სკოლა (ვერცხლის მედალი), რის შემდეგაც ისტორიის და სამართალმცოდნეობის განხრით განაგრძო სწავლა თბილისის ივ. ჯავახიშვილის სახელობის სახელმწიფო უნივერსიტეტში. 2003 წელს ჯანჯღავას მიენიჭა ისტორიის მეცნიერებათა დოქტორის წოდება.
1989-1992 წწ. ჯანჯღავა სწავლობდა თბილისის სახელმწიფო უნივერსიტეტის სამხედრო კათედრაზე, ხოლო 1993 წელს გაიარა საქართველოს თავდაცვის სამინისტროს გაერთიანებული სამხედრო აკადემიის ოფიცერ-არტილერისტთა მოსამზადებელი კურსი. 1995-96 წლებში, ჯანჯღავამ გაიარა აშშ-ს არმიის ქვეითი ჯარის ასმეთაურის, აშშ-ს არმიის საჰაერო-სადესანტო და აშშ-ს არმიის რეინჯერის კურსები ფორტ ბენინგში, ჯორჯიის შტატში. 1999-2000 წლებში, ნიკოლოზ ჯანჯღავამ გაიარა აშშ-ს არმიის სპეციალური დანიშნულების ძალების ოფიცრის მოსამზადებელი კურსი, ფორტ ბრაგში, ჩრდ. კაროლინის შტატი, აშშ, ხოლო 2001-2002 წლებში კი აშშ-ს არმიის გენერალური შტაბის აკადემია, ფორტ ლევენვორსში, კანზასის შტატი.
რეფორმა და დაპირისპირება:
პოლკოვნიკ ჯანჯღავას აქვს პირდაპირი, მკაცრი რეფორმისტის იმიჯი, რომელმაც პროტესტის ნიშნად უკვე ორჯერ დატოვა საქართველოს არმიის რიგები. პირველი დაპირისპირება ჯანჯღავასა და საქართველოს მთავრობას შორის 1997 წელს მოხდა, როდესაც იმ დროს ჯერ კიდევ სრულიად უცნობმა ჯანჯღავამ, "საგაზეთო აღსარებაში" ღიად გააკრიტიკა იმდროინდელი თავდაცვის მინისტრი - გენერალი ვარდიკო ნადიბაიძე. მაშინ ჯანღავა საუბრობდა "გენერალთა კორუმპირებულობაზე, მანკიერ საკადრო პოლიტიკაზე და შიდა დაპირისპირებულობაზე, რაც, საბოლოო ანგარიშით, რეალურ საფრთხეს უქმნიდა ქვეყნის თავდაცვისუნარიანობას". გენერალმა ნადიბაიძემ ინტერვიუში გაკეთებული განცხადებების გამო, კაპიტანი ჯანჯღავა არმიის რიგებიდან დაითხოვა.
2002 წლის 19 ივლისს, თავდაცვის მინისტრმა გენერალმა დავით თევზაძემ უკვე ვიცე-პოლკონვიკ ჯანჯღავას ბრალი დასდო "ინტრიგანობაში, ოფიცრების წაქეზებასა და არაადეკვატურ საქციელში". მიუხედავად იმისა, რომ 25 მაისის მუხროვანის ამბოხების დროს საქართველოს ხელისუფლების მთავარ დასაყრდენს სწრაფი რეაგირების ძალების "კომანდოსის" ბატალიონი წარმოადგენდა, რომლის სარდლად ნიკოლოზ ჯანჯღავა თავად გენერალი თევზაძის რეკომენდაციით დაინიშნა.
არმიის რიგებს ჩამოცილებული ვიცე-პოლკოვნიკი ჯანჯღავა ქართულ ჯარს მხოლოდ ვარდების რევოლუციის შემდეგ დაუბრუნდა, საბრძოლო მომზადების და სამხედრო მომზადების დეპარტამენტის უფროსის რანგში.
ნამსახურეობის ნუსხა:
1992 ოქტომბერი -1996 ივნისი, თავდაცვის სამინისტროს საგარეო ურთიერთობების სამმართველოს ოფიცერი.
1996 ივნისი - 1998, მაისი თავდაცვის სამინისტროს მთავარი სადაზვერვო სამმართველოს ტაქტიკური დაზვერვის სამმართველოს უფროსი ოფიცერი;
1998 მაისი - 2000, აპრილი კოჯრის სპეციალური დანიშნულების ბატალიონის მეთაური;
2000 აპრილი - 2002, ივნისი სწრაფი რეაგირების ძალების სარდალი;
2002 ივნის-ივლისი სახმელეთო ჯარების სარდალის მ.შ;
2004 აპრილი - 2005 ოქტომბერი, საბრძოლო მომზადების და სამხედრო მომზადების დეპარტამენტის უფროსი;
2005 ოქტომბერი - 2007იანვარი, მე-4ე ქვეითი ბრიგადის მეთაური:
2007 იანვარი-დეკემბერი, ეროვნული გვარდიის დეპარტამენტის უფროსი;
2008 მარტი - 2009 აგვისტო, სამხედრო ატაშე საბერძნეთში, სერბეთში და მაკედონიაში;
2009 აგვისტო, ჟ-5 სტრატეგიული დაგეგმვისა და სამხედრო პოლიტიკის დეპარტამენტის უფროსი, თავდაცვის სამინისტრო;
ჯილდოები:
ღირსების ორდენი; 2001
უმწიკლო სამსახურის 1 ხარისხის მედალი (საქართველო); 2009
სამხედრო ღირსების მედალი;
აშშ-ს ეროვნული გვარდის სადესანტო ნიშანი; 1996
აშშ-ს, კანადის, საბერძნეთის და საქართველოს სადესანტო ნიშნები;
აშშ-ს არმიის "რეინჯერის" და "სპეციალური დანიშნულების ძალების" სამხრე ნიშანი.
ნიკოლოზ ჯანჯღავა სხვადასხვა დროს ხელმძღვანელობდა კოჯრის სპეცდანიშნულების ბატალიონს, იყო IV ქვეითი ბრიგადის მეთაური, ეროვნული გვარდიის სარდალი, სახმელეთო ჯარების სარდალი, ავღანეთში მონაწილე ქართული სამშვიდობო მისიის ხელმძღვანელი.
ლალი პაპასკირი
AMBEBI.GE
(სტატიის მომზადებისას გამოყენებულია ინტერნეტმასალები)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
