3
აპრილიდღის ზოგადი ასტროლოგიური პროგნოზი
რადგან გოდერძი თევზაძე პოლიციას ჩაბარდა, ჩვენი მოთხოვნაა, რაც ეკუთვნის, ის მიუსაჯონ, - ამის შესახებ "ინტერპრესნიუსს" გარდაცვლილი დემურ სტურუას დედამ ნონა ჯოჯუამ განაუცხადა.
მისივე თქმით, ძალიან კარგია, რომ გოდერძი თევზაძე პოლიციას ჩაბარდა.
"ძალიან კარგია, რომ ჩაბარდა და მისი ფეხით მივიდა. მაგრამ თავს დამნაშავედ არ ცნობს და ასე უთქვამს, რომ ხელნაწერი და ექსპერტიზის პასუხი ტყუილიაო და დემური ნაწამები არ არისო. ჩვენი მოთხოვნაა არის ის, რომ რადგანაც მივიდა, გამოჩნდა და ჩაბარდა, რაც ეკუთვის ის მიუსაჯონ. ჩემს შვილს არაფერი ეშველება, მაგრამ რომ გამწარდება ციხეში, ეგ მინდა. რაც მეტი იქნება მისთვის სასაჯელი, ეს უფრო კარგია", - განაცხადა ნონა ჯოჯუამ.
დემურ სტურუას თვითმკვლელობამდე მიყვანაში ბრალდებული პოლიციელი გოდერძი თევზაძე პოლიციას ჩაბარდა. ცოტა ხნის წინ ის დასავლეთ საქართველოს პროკურატურაში გამოცხადდა და განაცხადა, რომ სტურუა თავს უდანაშაულოდ მიიჩნევს და შიმშილობას იწყებს.
სამტრედიის რაიონის სოფელ დაფნარში 7 აგვისტოს 22 წლის დემურ სტურუამ სიცოცხლე თვითმკვლელობით დაასრულა. გარდაცვალებამდე მან წერილი დაწერა, სადაც გადაწყვეტილების მიზეზად, ადგილობრივი რაიონული პოლიციის თანამშრომლის, გოდერძი თევზაძის მხრიდან ზეწოლას ასახელებდა.
დემურ სტურუას თვითმკვლელობამდე მიყვანის ფაქტზე პროკურატურამ ბრალი პოლიციელ გოდერძი თევზაძეს წაუყენა, თუმცა ბრალდებული მიმალვაში იმყოფებოდა. მას აღკვეთის ღონისძიების სახით წინასწარი პატიმრობა დაუსწრებლად აქვს შეფარდებული.
