მნიშვნელოვანი ინფორმაცია
14
აპრილიდღის ზოგადი ასტროლოგიური პროგნოზი
ორშაბათი, მთვარის მეჩვიდმეტე დღე დაიწყება 22:48-ზე, მთვარე მორიელშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ცნობილი ქართველი მამაკაცები, რომლებმაც ადრეულ ასაკში იქორწინეს
00:18 / 28-06-2016
ნაადრევ ასაკში ქორწინება ხშირად ოჯახის დანგრევით სრულდება, თუმცა ამბობენ, ნამდვილ სიყვარულს არაფერი აშინებს და, მით უმეტეს, არ ანგრევსო. "AMBEBI.GE" იმ ცნობილი მამაკაცების შესახებ გიამბობთ, ვინც პატარა ასაკში დაქორწინება გაბედა. ზოგს გაუმართლა და დღემდე მტკიცე ოჯახი აქვს, ზოგმა კი მეორედ და მესამედ იქორწინა.
ნიკუშა შენგელაია
სოფიკო ჭიაურელისა და გიორგი შენგელაიას ვაჟი ნიკუშა შენგელაია პირველად 19 წლის ასაკში დაქორწინდა. მისი მეუღლე 16 წლის ია ნინიძე გახლდათ. "ჩემზე ორი წლით უფროსი იყო, მაგრამ უფრო დიდს ჰგავდა - ლამაზი წვერი ჰქონდა. მრცხვენოდა მისი და თქვენობით ველაპარაკებოდი. "ზეციური მერცხლების" პრემიერის შემდეგ სუფრასთან შევხვდით ისევ ერთმანეთს. ისეთი ლამაზი იყო... მე კი მრცხვენოდა მისი. მერე აივანზე გავიდა მოსაწევად, მე კი სადარაჯოდ დავდექი, რომ უფროსებს არ დაენახათ. ის ეწეოდა, მე ფანჯრიდან ვუყურებდი, ვტკბებოდი მისით. უცებ დაიხარა და ფანჯრის მიღმა მაკოცა. რა დამემართა!!! იმ დღიდან ჩავწერე ჩემს რვეულში: "ია+ნიკუშა= სიყვარულს"... როცა პირველად მომაკითხა სკოლაში, შიშისგან მუხლები მომეკვეთა. ეს საოცარი ვნება იყო, პირველი სიყვარული... დიდხანს არ ვხვდებოდით ერთმანეთს. ერთხელ მოვიდა და მითხრა: "მორჩა, აღარ შემიძლია უშენოდ, მოდი, ვიქორწინოთ", - იხსენებს ია ნინიძე ინტერვიუში.
დაქორწინების შემდეგ ია სასწავლებლად მოსკოვში წავიდა, სწორედ იქ შეიტყო, რომ ორსულად იყო და თბილისში დაბრუნდა. აღმოჩნდა, რომ ნიკუშას სხვა ქალი უყვარდა, რომელიც მისგან ბავშვს ელოდებოდა, 18 წლის ია ნინიძემ ქმრის ღალატს ვერ გაუძლო, ძალიან განიცადა და ბავშვი დაკარგა. ნიკუშა შენგელაიამ ია ნინიძესთან დაშორების შემდეგ ორჯერ იქორწინა. ამჟამად მისი მეუღლე ეკა ჭიჭინაძეა.
ირაკლი ალასანია
"თავისუფალი დემოკრატების" ლიდერი ირაკლი ალასანია ჯერ კიდევ თინეიჯერობის ასაკში დაქორწინდა, ირაკლი 18 წლის იყო, ნათია 20-ის. "უნივერისტეტში დავინახე და მალევე გამეცნო. როგორც მერე მითხრა, თავად უფრო ადრე, ერთ კაფეში შემამჩნია. პირველად ზოოპარკში გავისეირნეთ, ოღონდ იმიტომ არა, რომ ვინმეს ვემალებოდით, უბრალოდ, უნივერსიტეტთან ახლოს იყო. ბეჰემოთი მაშინ ცოცხალი იყო და რატომღაც ქალაქში გივის ეძახდნენ. მოვინახულეთ და ის გახდა ჩვენი პირველი სეირნობის თანაზიარი", - ამბობს ნათია ფანჯიკიძე ერთ-ერთ ინტერვიუში. ირაკლის და ნათიას ორი შვილი ჰყავთ, სულ ცოტა ხნის წინ, მათი ვაჟი ნიკუშა დაქორწინდა. პოლიტიკოსი და ფსიქოლოგი ახლა შვილიშვილის მოლოდინში არიან.
ბაჩო ახალაია
თავდაცვის ყოფილი მინისტრი, ბაჩო ახალაია პირველად 21 წლის ასაკში დაქორწინდა, თუმცა მისი ქორწინება წარუმატებელი აღმოჩნდა. ბაჩო ახლაიას მეუღლე გერმანიის მოქალაქე ირინა ჰაიბელი გახლდათ, რომელთანაც ახალაიას ვაჟი მაქსი ჰყავს. ჰაიბელთან გაშორების შემდეგ ბაჩო ახალაია ანი ნადარეიშვილზე დაქორწინდა, რომელთანაც 4 წლის ქალიშვილი, კესო ჰყავს.
ირაკლი ღარიბაშვილი
ირაკლი ღარიბაშვილმა საკმაოდ პატარა ასაკში იქორწინა და სტაბილური ოჯახი აქვს. მისი და ნუნუკა თამაზაშვილის სიყვარულის ისტორია სკოლაში დაიწყო, სკოლის დამთავრების შემდეგ ირაკლი ღარიბაშვილმა უნივერსიტეტში ჩააბარა და 21 წლის ასაკში ნუნუკა თამაზაშვილზე იქორწინა. ირაკლი ნუნუკაზე ერთი წლით უფროსია. წყვილს სამი ვაჟი - ნიკოლოზი, ანდრია და გაბრიელი ჰყავს. ახლა მეოთხე შვილს ელოდებიან.
თამაზ მეჭიაური
პატარა ასაკში იქორწინა დეპუტატმა თამაზ მეჭიაურმა. მისი მეუღლე მომღერალი თამრიკო მეჭიაური გახლდათ. დეპუტატი დაქორწინებისას ეკონომიკის ფაკულტეტის სტუდენტი იყო, მომავალი მეუღლე მშობლიურ თიანეთში გაიცნო, სადაც თამრიკო მეჭიაური ბებიას ხშირად ჩაჰყავდა. როცა თამაზ მეჭიაური ჯარში გამოიძახეს, თიანეთიდან თბილისში ჩამოვიდა, შეყვარებულს სკოლაში მიაკითხა და დაემშვიდობა. ჯარიდან დაბრუნებულმა კი ისევ გააგრძელა საყვარელ ქალთან პაემნები. ერთხელაც თამრიკო მეჭიაურს პაემანზე დააგვიანდა, მომავალი მეუღლე არ დაელოდა და პაემანი ჩაეშალათ. "დაოჯახება არ გვქონდა გადაწყვეტილი. პაემანზე უნდა მივსულიყავი, მაგრამ 40 წუთი დამაგვიანდა. თამაზი დიდხანს მელოდა და უკვე წამოსული იყო შეხვედრის ადგილიდან. მაშინ მობილურები არ იყო, ვერ დამიკავშირდებოდა. მეტროს ვაგონში შემთხვევით შევხვდით ერთმანეთს - აი, რას ნიშნავს ბედისწერა. იმ დღეს გადავწყვიტეთ, ერთად გვეცხოვრა. გვქონდა ტრადიციული ქართული ქორწილი - სამასკაციანი სუფრა იყო გაშლილი თიანეთში", - ისხენებს თამრიკო მეჭიაური. მათი დაშორების მიზეზი განშორება გახდა, სამსახურიდან სამუშაოდ თამაზ მეჭიაური თიანეთში გაანაწილეს, თამრიკო კი თბილისში დარჩა და ოჯახი დაინგრა. მას შემდეგ თამაზ მეჭიაურმა ხუთი ცოლი მოიყვანა, მაგრამ დღემდე დასაოჯახებელი კაცის სტატუსი აქვს.
კახა მამულაშვილი
მამულიჩა პირველად 19 წლის ასაკში დაქორწინდა. ცნობილ ქართველ პროდუსერს პირველი ქორწინებიდან 22 წლის ვაჟი ნიკუშა ჰყავს. ნიკუშა ამერიკაში სწავლობდა და მამასთან მეგობრული ურთიერთობა აქვს. მამულიჩას პირველმა ქორწინებამ 8 წელი გაძლო და შემდეგ დაინგრა. როგორც პროდუსერი ამბობს, იმ ასაკში ქორწინება საბავშვო ბაღი იყო და არ სურს მისმა ვაჟმაც პატარა ასაკში შექმნას ოჯახი. პირველი ოჯახის დანგრევის შემდეგ მამულიჩას ცხოვრებაში ლელა წურწუმია გამოჩნდა, რომელთანაც ორწლიანი სასიყვარულო ურთიერთობის შემდეგ იქორწინა. მამულიჩა 29 წლის იყო, ლელა 31-ის. წყვილს 14 წლის ქალიშვილი მარიკო ჰყავს და სამაგალითო ოჯახი აქვთ.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
