4
აპრილიდღის ზოგადი ასტროლოგიური პროგნოზი
წარმოგიდგენთ ხუთ ტრაგიკულ ისტორიას, რომელიც ონლაინ გაცნობას მოჰყვა.
1. მამაკაცმა პირველ პაემანზე ქალი ცოცხლად დამარხა
25 წლის მინა ელ ოურაი ფრანგი ქალი იყო, რომელსაც დიაბეტი ჰქონდა. სოციალურ ქსელ "ფეისბუქზე" მას ურთიერთობა ჰქონდა მაროკოელ მამაკაცთან. რამდენიმეთვიანი ფლირტის შემდეგ, 2014 წლის შემოდგომაზე ქალი მასთან შესახვედრად გაეშურა. პირველი პაემანის დროს ქალი დიაბეტურ კომაში ჩავარდა და გონება დაკარგა. პოტენციურმა პარტნიორმა იფიქრა, რომ ქალი გარდაიცვალა და თავის ბაღში ცოცხლად დამარხა. საბოლოოდ, მინა უჰაერობით დაიხრჩო.
2. ქალი ცემით მოკლა მამაკაცმა, რომელიც ასჯერ იყო ნასამართლევი
ავსტრალიელი შერონ სირმენსი მარტო ზრდიდა ოთხი წლის შვილს, როდესაც ინტერნეტში ჯეისონ ჯონ დინსლი გაიცნო. მან არ იცოდა, რომ დინსლის ასზე მეტი ნასამართლეობა ჰქონდა. პირველი პაემანის შემდეგ ქალმა მეორე შეხვედრაზე უარი განაცხადა, რაც მამაკაცმა შეურაცხყოფად მიიღო და 2013 წლის აპრილში საკუთარ სახლშივე ცემით მოკლა შერონი. ამ სცენას შერონის ოთხი წლის შვილი კარადაში დამალული უყურებდა.
3. ოთხმა ადამიანმა გაქურდა და მოკლა მამაკაცი, რომელსაც პაემანი გაცნობის საიტზე დაუთქვეს.
35 წლის ვენკატა კატამანჩი მიჩიგანში ცხოვრობდა. 2010 წლის ივნისში ის 23 წლის ჯესიკა ერმეტინჯერს შეუთანხმდა შეხვედრაზე გაცნობის საიტის მეშვეობით. ისინი რესტორანში შეხვდნენ ერთმანეთს და შემდეგ მოტელში გაეშურნენ, სადაც კიდევ ერთი ქალი და ორი კაცი უცდიდა წყვილს. კატამანჩი გაქურდეს და მოკლეს. საბოლოოდ, ოთხივე დამნაშავე დაიჭირეს.
4. ქალმა და მისმა თანამზრახველმა შეხვედრების საიტზე განცობილი მამაკაცი მოკლეს
2011 წლის შობას ეშლი ლეველი 27 წლის ლავარ უოთსონს შეხვდა კინოთეატრში. მათ ერთმანეთი ონლაინ გაიცნეს. სეანსის შემდეგ მამაკაცი ქალის მანქანაში ჩაჯდა და მოულოდნელად ზურგში ტყვია მიიღო ლეველის თანამზრახველისგან. უოთსონს მათ საფულე მოპარეს, მაგრამ პოლიციამ ბოროტმოქმედები დააპატიმრა.
5. უცნაურ ონლაინ სასიყვარულო სამკუთხედში ერთადერთი მართალი ადამიანი მოკლეს.
2005 წელს 46 წლის ტომას მონტგომერიმ ინტერნეტში ქალი გაიცნო. მათ მალევე დაიწყეს ვირტუალური რომანი. მონტგომერი ირწმუნებოდა, რომ ახალგაზრდა ჯარისკაცი იყო, რომელიც ცოტა ხნის წინ დაბრუნდა ერაყიდან. ქალი კი თავისი შვილის ფოტოებს იყენებდა, ვითომ 18 წლის იყო. ყველაფერი მაშინ გართულდა, როდესაც მონტგომერის კოლეგამ, 22 წლის ბრაიან ბარეტმაც იმავე ქალს დაუწყო ონლაინ-არშიყი. მონტგომერიმ ბერეტი ეჭვიანობის ნიადაგზე მოკლა ქალისთვის, რომელიც სულ სხვა, თვალთმაქცი ადამიანი იყო.
