14
აპრილიდღის ზოგადი ასტროლოგიური პროგნოზი
ნავთობით ერთ-ერთ ყველაზე მდიდარ ქვეყანაში - არაბთა გაერთიანებულ საამიროებში პირველად ისტორიაში, ბედნიერების მინისტრი დაინიშნა. ოჰუდ ალ როუმი 8-დან ერთ-ერთი ქალი მინისტრია, სპარსეთის ყურის 29-წევრიან მინისტრთა კაბინეტში.
რას აკეთებს კონკრეტულად ბედნიერების მინისტრი? ქვეყნის პრემიერის შეიხ მოჰამედ ბინ რაშიდ ალ მაკტუმის განცხადებით, სახელმწიფო მინისტრი ბედნიერების საკითხებში მოქალაქეების ბედნიერების უზრუნველყოფაზე იმუშავებს. მისი თქმით, ახალი პოსტი სოციალური კეთილდღეობის შექმნაში დიდ დახმარებას გასწევს.
ბოლო კვლევების მიხედვით, მსოფლიო ბედნიერების ინდექსში, არაბთა გაერთიანებული საამიროები მე-20 პოზიციაზე აღმოჩნდა. შეიხის თქმით, მათ უნდა გააუმჯობესონ მაჩვენებელი და მომავალ თაობებს უფრო მეტი კეთილდღეობა შეუქმნან. სწორედ ამისთვის არის საჭირო ბედნიერების მინისტრის პოსტი. ფიცის დადების ცერემონიალზე ოჰუდ ალ როუმი ოქროსფერი ყელსაბამით გამოცხადდა, რომელზეც სიტყვა "ბედნიერი" (Happy) იკითხებოდა.
საამიროები პირველი ქვეყანაა, რომელსაც მსგავსი უწყება აქვს. ამასთან, პრემიერმა რამდენიმე სამინისტრო გააერთიანა და ტოლერანტობის საკითხებში სახელმწიფო მინისტრის პოსტიც შექმნა.
მომზადებულია edition.cnn.com-ს მიხედვით
