პრეზიდენტის რეზიდენციასთან რუსეთის მომხრეები და მოწინააღმდეგეები ერთმანეთს დაუპირისპირდნენ
პრეზიდენტის ავლაბრის რეზიდენციასთან "ერეკლე მეორის საზოგადოების" მიერ ორგანიზიებულ აქციაზე "თავისუფალი ზონის" ერთი წევრი დააკავეს. "თავისუფალი ზონის" წევრმა პროტესტი გამოხატა იმ ლოზიუნგებისა და გამოსვლების მიმართ, რომელსაც "ერეკლე მეორის საზოგადოების" წევრები აქციაზე აფიქსირებენ. "თავისუფალი ზონის" წევრსა და აქციის მონაწილეებს შორის ფიზიკური დაპირისპირება მოხდა, თუმცა პოლიციამ სიტუაცია მალევე განმუხტა და "თავისუფალი ზონის" წევრი საპატრულო პოლიციის მანქანაში ჩასვეს და განყოფილებაში გადაიყვანეს. [იხილეთ ვიდეო]
ავლაბრის რეზიდენციასთან შეკრებილი "ერეკლე მეორის საზოგადოების" წევრები რუსეთთან ურთიერთობის მოგვარების და დიპლომატიური კავშირების აღდგენის, ასევე საქართველოს ნეიტრალიტეტის გამოცხადების მოთხოვნით საპროტესატო აქციას მართავენ. აქციის ერთ-ერთი მონაწილის არჩილ ჭყოიძის განცხადებით, საჭიროა საქართველომ რუსეთთან ურთიერთობის ნორმალიზება დაიწყოს.
"ევროპამ და ამერიკამ ქვეყანას მხოლოდ პამპერსები მოუტანა, ამიტომ საჭიროა, პრეზიდენტმა ჩვენი მოთხოვნა გაივალისწინოს", - განაცხადა არჩილ ჭყოიძემ.
აქციის მონაწილეებს მოტანილი აქვთ ბანერები, სადაც გამოსახულია რუსეთის ფედერაციის დროშები.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
