მნიშვნელოვანი ინფორმაცია
9
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთორმეტე დღე დაიწყება 16:22-ზე, მთვარე ქალწულშია
თუ დღეს დახმარება გთხოვეს, უარი არ უთხრათ. კარგია მოწყალების გაღებაც; მოერიდეთ ახალი საქმეების დაწყებას, კამათს, ფულის ხარჯვას; ურთიერთობის გარჩევას. განსაკუთრებით შეყვარებულებმა; არავის გაუბრაზდეთ და გაანაწყენოთ. თუ დღეს ვინმეს გაებუტებით, მასთან შერიგება გაგიჭირდებათ; არ გირჩევთ მგზავრობასა და მოგზაურობის დაწყებას; კარგია მუშაობა ბაღში, საოჯახო საქმეების შესრულება კი სხვა დღისთვის გადადეთ; მოერიდეთ კუჭის გადატვირთვას. უპირატესობა მიანიჭეთ წყალს, წვენებს. შეამცირეთ ალკოჰოლისა და სიგარეტის დოზაც. კარგია სეირნობა, ბაღსა და ბოსტანში მუშაობა; ვარჯიში.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნატო-ს მოაქვს მშვიდობა - თინა ხიდაშელი
07:33 / 27-08-2015
საქართველოს არჩევანი ცხადზე უცხადესია, ვიღწვით დემოკრატიული, განვითარებული, სტაბილური და მშვიდობიანი ქვეყნების ოჯახის წევრობისთვის , - ამის შესახებ საქართველოს თავდაცვის მინისტრმა თინა ხიდაშელმა ნატო-საქართველოს ერთობლივი წვრთნებისა და შეფასების ცენტრის გახსნის საზეიმო ღონისძიებაზე სიტყვით გამოსვლისას განაცხადა. მისი თქმით, დღევანდელი დღე მნიშვნელოვანი გზავნილია საქართველოს ევროატლანტიკური სივრცისკენ სწრაფვის უკუქცევადობის, საქართველოს არჩევანის ურყეობისთვის და პარტნიორების თანადგომის დემონსტრირებისთვის.
"დღევანდელი დღე მნიშვნელოვანი გზავნილია საქართველოს ევროატლანტიკური სივრცისკენ სწრაფვის უკუქცევადობის, ჩვენი არჩევანის ურყევობისთვის და პარტნიორების თანადგომის დემონსტრირებისთვის. საქართველოს არჩევანი ცხადზე უცხადესია, ვიღწვით დემოკრატიული, განვითარებული, სტაბილური და მშვიდობიანი ქვეყნების ოჯახის წევრობისთვის. ნატო დღევანდელ მსოფლიოში უსაფრთხოების არქიტექტურის თვალსაზრისით მშვიდობის უზრუნველყოფის ყველაზე მძლავრი და ეფექტური მექანიზმია. ნატო-ს გაფართოებით ფართოვდება თავისუფლების საზღვრები, ძლიერდება უსაფრთხოების რკალი და დედამიწის უფრო მეტ სეგმენტზე ისადგურებს მშვიდობა. ნატო-ს მოაქვს მშვიდობა", - განაცხადა ხიდაშელმა. მისივე თქმით, "საქართველოს ევროპულ ოჯახში წევრობა ბევრი თაობის ოცნება იყო და გვაქვს ამბიცია, რომ ეს ოცნება რეალობად ვაქციოთ".
"დამოუკიდებელი საქართველოს დღევანდელ თაობას, დიდსა და პატარას, ქალსა და მამაკაცს, ჩვენს ახალგაზრდებს სამხედრო ფორმაში, რომლებიც სწორედ ნატო-ს ეგიდით და ნატო-ს სამკლაურებით ავღანეთში მშვიდობისა და უსაფრთხოებისთვის ბრძოლაში ამაყად ატარებენ ქართულ დროშას, გვაქვს ამბიცია, რომ ქართველთა მრავალი თაობის ოცნება რეალობად ვაქციოთ. ნატო-საქართველოს არსებითი პაკეტის დროულად და წარმატებით განხორციელება ჩვენი პოლიტიკური გუნდის, პრემიერ-მინისტრს, მთავრობის, პარლამენტის და ქვეყნის მთავარსარდლის უმნიშვნელოვანესი პრიორიტეტია, რადგან თავად არსებითი პაკეტის, ისევე როგორც ნატო-საქართველოს ნებისმიერი ერთობლივი ღონისძიების მთავარი ამოცანა საქართველოს ნატო-ში გაწევრიანებისთვის მზადებაა", - განაცხადა ხიდაშელმა. ხიდაშელის თქმით, საქართველო იბრძვის ევროპული მომავლისთვის, რომელიც თავისუფალი იქნება აგრესიისგან და ოკუპაციისგან.
"ჩვენ ოპტიმისტურად ვუყურებთ მომავალს. ჩვენ ვშრომობთ და ვიბრძვით ევროპული საქართველოსთვის, საქართველოსთვის რომელიც თავისუფალი იქნება აგრესიისგან და ოკუპაციისგან და იპოვის თავის ადგილს დემოკრატიული სახელმწიფოების ოჯახში. ვდგავართ ძლიერ საძირკველზე, რომელიც შექმნა ჩვენმა წინაპარმა, ვართ წარმატებული აწმყოს უზრუნველმყოფი თამამი თაობა, რომელმაც უფრო განვითარებული, უფრო მშვიდობიანი, უსაფრთხო ქვეყანა უნდა დავუტოვოთ ჩვენ შვილებს. დღეს ამ გზაზე ცოდნა, პროფესიონალიზმი, დაუღალავი შრომა, დასახული მიზნის ურყეობა, გამბედაობა და სითამამე ჩვენი მთავარი მეგზური და ინსტრუმენტია, რომელიც საბოლოო მიზანთან მიგვიყვანს. ვემსახუროთ საქართველოს ერთგულად და უკომპრომისოდ და ჩვენს მიზანს აუცილებლად მივაღწევთ", - აღნიშნა ხიდაშელმა.
როგორც თავდაცვის მინისტრმა განაცხადა, თავდაცვის სამინისტროსთვის უზარმაზარი პატივია მასპინძლობდეს ქვეყნისთვის ასეთ მნიშვნელოვან ღონისიძიებას.
"მინდა მადლობა გადავუხადო ყველა იმ ადამიანს, ვინც თავისი დაუღალავი შრომით წლების განმავლობაში მხარს უჭერდა და ყველაფერს აკეთებდა იმისთვის, რომ დღევანდელ დღეს ჩვენ აქ შევკრებილიყავით. განსაკუთრებული მადლობა მინდა გამოვხატო ჩვენი პარტნიორი ქვენების ნატო-ს ძირითადი ჯგუფის წევრების და ექსპერტების მიმართ, რომლებიც ქართველ კოლეგებთან ერთად ძალისხმევას არ იშურებენ ჩვენი წარმატებისთვის. ჩვენი ერთობლივი ძალისხმევით, ყველა რესურსის მობილიზებით და პარტნიორების აქტიური მხარდაჭერით გაგრძელდება ნატო-საქართველოს პროექტების წარმატებით განხორციელება, რაც დარწმუნებული ვარ სათანადოდ აისახება ვარშავის სამიტზე მიღებულ გადაწყვეტილებებში", - განაცხადა ხიდაშელმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
