ხანძრის შედეგად დაღუპული ორი ადამიანის ცხედარი იპოვეს

მაშველებმა დიდუბეში, გუდაუთის ქუჩაზე, საღებავების საწყობში გაჩენილი ხანძრის შედეგად დაღუპული ორი ადამიანის ცხედარი იპოვეს.

როგორც "ინტერპრესნიუსის" კორეპონდენტი ადგილიდან იუწყება, გარდაცვლილთა იდენტიფიცირება ვერ ხერხდება, რადგან ცხედრები დამწვარია. ადგილზე შესაბამისი სამსახურის წარმომადგენლები მუშაობენ.

რაც შეეხება ხანძრის შედეგად დაშავებულებს, ასეთი სულ 5 ადამიანია, მათგან სამის მდგომარეობა შედარებით მძიმეა. დაშავებულთა შორის არის ერთი მეხანძრე, რომელსაც სახის არეში დამწვრობა აღენიშნება და მაშველი, რომელმაც კვამლით ინტოქსიკაცია მიიღო.

რა ხდებოდა დღეს ელიავას ბაზრობის ტერიტორიაზე, იხილეთ: იხილეთ ფოტოგალერეა

იხილეთ ვიდეო

ყველა ინფორმაცია ხანძრის შესახებ იხილეთ ტეგზე# ხანძარი ელიავაზე