4
აპრილიდღის ზოგადი ასტროლოგიური პროგნოზი
"თავისუფალი დემოკრატების" წევრი დავით წეწვაძე ამბობს, რომ ხალხის აზრით, გორის საკრებულოს თავმჯდომარე პაპუნა კობერიძე, მერი ზურაბ ჯირკველიშვილი და სადგურის დასახლების წარმომადგენელი დავით რაზმაძე ხელისუფლებაში სწორედ მან და მისმა საახლობლომ მოიყვანა. ამის შესახებ წეწვაძემ ბიუროს სხდომაზე განაცხადა.
"პაპუნა, შენ რომ კაბინეტში ზიხარ, ხალხი მე მაკითხავს სახლში. შენი ხათრით მივეცით ხმა პაპუნასო, მერსო, სადგურის მაჟორიტარს დავით რაზმაძესო", - უთხრა დავით წეწვაძემ პაპუნა კობერიძეს.
მისი თქმით, ის დაპირებები, რომელიც მერობის კანდიდატმა წინასაარჩევნო შეხვედრებზე გასცა, არ სრულდება. განსაკუთრებული აქცენტი ელექტროფიკაციის დასახლებაზე გაკეთდა. წინასაარჩევნო კამპანიის დროს (2014 წლის ივლისი) ამჟამინდელმა მერმა ადგილობრივებს უთხრა, რომ გაზიფიცირების სამუშაოები (40 000 ლარის ფარგლებში) გაკეთდებოდა. დავით წეწვაძის თქმით, დღეს ეს დანაპირები არ სრულდება.
გორის მერის ზურაბ ჯირკველიშვილის თქმით, ელექტროფიკაციის დასახლებაში გაზიფიცირება იმაზე ძვირი ჯდება, ვიდრე მან დაპირებისას განაცხადა: "პროექტი რომ შევადგინეთ, აღმოჩნდა, რომ 150 000 ლარი სჭირდება. დღეს ეს თანხები არ გვაქვს", - განაცხადა მერმა.
