მნიშვნელოვანი ინფორმაცია
5
აპრილიდღის ზოგადი ასტროლოგიური პროგნოზი
შაბათი, მთვარის მერვე დღე დაიწყება 10:42-ზე, მთვარე კირჩხიბშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადაადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. ამ დღის რთული ორგანო კუჭია. მოერიდეთ კუჭის გადატვირთვას, მოწევას, სმას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გვაკრიტიკეთ, ოღონდ ჯერ გვიყურეთ, გთხოვთ" - "მოამბის" წამყვანი ხალხის კრიტიკას პასუხობს
07:21 / 16-06-2015
როგორ გაშუქდა თბილისის სტიქია ტელემედიაში - ამ თემაზე სოციალურ ქსელებში ბევრს წერენ. ინტერნეტმომხმარებელთა უმრავლესობა ხაზგასმით აღნიშნავს "რუსთავი 2"-ს ოპერატიულ მუშაობას, ბევრი კი საზოგადოებრივი მაუწყებლის მიმართ პრეტენზიას გამოთქვამს და "პირველ არხს" სწორედ ოპერატიულობას უწუნებს.
"არხს უმეტესწილად აკრიტიკებენ ისინი, ვისაც იმ ტრაგიკულ ღამეს პულტზე პირველი არხის ღილაკისთვის არც კი დაუჭერია...", - ასე ეხმაურება არხის მიმართ ნეგატიურ გამოხმაურებებს საზოგადოებრივი მაუწყებლის ახალი ამბების წამყვანი თამთა სანიკიძე.
"ორი დღის განმავლობაში მაქსიმალურად ვცდილობდი, თავი შემეკავებინა, თუმცა ყველაფერს აქვს ზღვარი. იმ ადამიანების გარკვეულ ნაწილს, რომელიც საზოგადოებრივი მაუწყებლის მიმართ კრიტიკას არ იშურებს, იმ უმძიმეს ღამეს არც კი გადაურთავს პირველ არხზე. ამიტომ მათთვის განვმარტავ: პირველი არხის საინფორმაციო პროგრამა "მოამბის" გადამღები ჯგუფები სტიქიის პირველივე წუთებიდან, ვიმეორებ-პირველივე წუთებიდან, იდგნენ სტიქიის ყველა ზონაში და საკუთარი სიცოცხლის რისკის ფასად იღებდნენ უმძიმეს კადრებს, რაც მალევე მაყურებელმა ნახა.
"მოამბე" სპეციალური გამოშვებით გავიდა დილის სამ საათზე და შვიდის 10 წუთამდე საგანგებო რეჟიმში ვმუშაობდით პირდაპირ ეთერში. ამ დროის განმავლობაში მაყურებელმა ნახა ტრაგედიის ამსახველი უმძიმესი კადრები, პირველმა მოისმინა პრემიერის განცხადება, რომელიც მან ჩვენი პირდაპირი ეთერით გააკეთა, ნახა ათეულობით პირდაპირი ჩართვა სვანიძის ქუჩიდან, ესტაკადიდან, საავადმყოფოდან, გმირთა მოედნიდან, სადაც ჩვენი კორესპონდენტის ფონზე ბეჰემოტი გადაადგოლდებოდა, მოისმინა ვიცე-პრემიერის, რაიონების გამგებლების, ჯანდაცვის მინისტრის მოადგილის, თბილისის წყლის PR დეპარტამენტის ხელმძღვანელის სატელეფონო ჩართვები...
რაც შეეხება ეთერში გასვლის დროს: ნუ დაგვავიწყდება მაუწყებლის ადგილმდებარეობა. იმის გამო, რომ ვერეს ადიდების და ზოოპარკიდან დაკარგული ცხოველების თავდასხმის საფრთხის გამო გმირთა მოედანთან დამაკავაშირებელი ყველა საგზაო მონაკვეთი გადაკეტილი იყო, არხის თანამშრომლებს ფეხით მოუხდათ მოსვლა. ძალიან გთხოვთ, რომ ეს გარემოება გაითვალისწინოთ. და ბოლოს-ბოლო დღეებში წაკითხული სტატუსების ნაწილმა დამარწმუნა, რომ არხს უმეტესწილად აკრიტიკებენ ისინი, ვისაც იმ ტრაგიკულ ღამეს პულტზე პირველი არხის ღილაკისთვის არც კი დაუჭერია.. გვაკრიტიკეთ, ოღონდ ჯერ გვიყურეთ, გთხოვთ", - წერს თამთა სანიკიძე.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რაო ქოცები კომენტარებს არ უწერთ ამ სანიკიძეს ბიძოს ნათესავის ცოლია და ხომ არ შგეშინდათ; არა და კარგი დაწერეთ, არ არის კრიტიკა უცილებელი.. ეს არხი ხომ ბედნიერ და საამურ ცხოვრებას გვაჩვენებს და მაგ. ნანა მალაშხიას პოსტს და გადაგვრებული საზოგადოების მიერ მოწონებული პოლიციელების გამონათქვამებზე ხომ არაფერს იტყვის.. აბა როგორ, აბა რისი საზმაუწყებელია. მოკლედ დაწერეთ საქებარი კომენტარები, ევროპისაკენ როგორ ღირსეულად ორი ფეხით მივდივართ, ისე შენ და შენმა ოჯახმა იხაროს!
ვერ ბედავენ უარყოფითი კომენტარების დაბეჭდვას ბიძინას ჩრდილ ქვეშ არის. მიყურეთ და მერე ილაპარაკეთო, რა დავაშავეთ არ გვეყოფა ამ პარლამენტარებს რომ ვუყურებთ ახლა შენ გიყუროთ? და მაგდანა ანიკაშვილს. . თან ქმარი ბიძინას ნათესავი და თან კობახიძეა. რა დააშავე ამის ფასი. არ ინერვიულო ჩემო გოგო, არა უშავს რა ელენე ახვლედიანი თუ არ იცოდი, სამაგიეროდ დარწმუნებული ვარ, უორხოლი და პიკასო კარგად იცი, ოღონდ შეეშვი ამ ინტერვიუებს! ნუ შეეცდები სამწუხაროდ არ იძლევიან ინტერვიუებს მით უფრო ბიძოს ნათესავს არ მიცემენ.