3
მაისიდღის ზოგადი ასტროლოგიური პროგნოზი
2015 წლის 3 მაისს 100 000-ზე მეტი ადამიანი უკვე მეორედ შეიკრიბა ერთსა და იმავე დროს, მსოფლიოს 33 ქვეყანაში და 35 ლოკაციაზე იმისათვის, რომ ქველმოქმედებისათვის ერბინათ. ის ფაქტი, რომ წელს 4,2 მილიონი ევრო შეგროვდა ფონდისათვის Wings for Life, რომელიც ზურგის ტვინის დაზიანების სფეროში ატარებს კვლევებს, მეტყველებს იმაზე, რომ კიდევ უფრო მეტი ადამიანი ჩაერთო მსოფლიო რბენაში და მზად არის თავისი წვლილი შეიტანოს იმ კვლევების წინსვლაში, რომელსაც მთელის მსოფლიოს მასშტაბით ძალიან ბევრი ზურგის ტვინის დაზიანების მქონე ადამიანი ელოდება.
საქართველოს შედეგები ასეთია:
ქალ მორბენლებს შორის გაიმარჯვა ლინდა ვან ფლიეტმა (Linda van Vliet), რომელმაც 32,01 კილომეტრი ირბინა. 2014 წლის ჰოლანდიის გამარჯვებული აშკარა ლიდერი იყო ქალებს შორის. მისი თქმით, მან საქართველო იმ ულამაზესი პეიზაჟის გამო აირჩია, რომელიც მის წინ რბენის დროს იშლებოდა.
ხოლო კაცებში ისევ ადგილობრივმა გმირმა, ანატოლი ოლენიკოვმა გაიმარჯვა 57, 39 კილომეტრით. შარშანდელი რბენის გამარჯვებული ოლენიკოვიც ასევე აშკარა ფავორიტი იყო.
საქართველოში Wings for Life მსოფლიო რბენა, რომელიც უკვე ნაცნობ ლოკაციაზე, კახეთში, ლოპოტას ტბის გადასახვევთან გაიმართა, წელს კიდევ უფრო შთამბეჭდავი იყო. სულ დარეგისტრირდა 5000 ადამიანი დარეგისტრირებულთა რაოდენობით საქართველო მეორე ადგილზე გავიდა და მხოლოდ ავსტრიას ჩამორჩა.
საქართველომ მიიქცია ყურადღება არა მხოლოდ რეგისტრირებულთა რაოდენობით. ჩვენ გვყავდა ყველაზე ასაკოვანი მორბენალი მთელს მსოფლიოში, 92 წლის შოთა სამუშია, რომელსაც სულ ცოტა დააკლდა, რომ 5 კმ. ერბინა და ჩაფიქრებული მიზნისთვის მიეღწია.
საქართველოში ჩამოყალიბდა მსოფლიოში ყველაზე დიდი გუნდი, რომელიც საჯარო რეესტრის სახელით დარბოდა და სადაც 501 ადამიანი გაერთიანდა.
მსოფლიო გამარჯვებული უკვე მეორედ გახდა ეთიოპელი ლეამოუორკ კეტემა (Lemawork Ketema). მან 79.9 კმ. ირბინა ავსტრიაში. მეორე ადგილზე კაცებში გავიდა ჩილეს წარმომადგენელი ცეზარ ანდრეს დიაზ ჰერნანდესი (César Andrés Díaz Hernández) 78.3 კილომეტრით და სულ რამდენიმე მეტრით აჯობა შარშანდელ მეორე ადგილზე გასულ რემიჯიო ქისპეს (Remigio Quispe).
ქალი გამრჯვებული გახდა 27 წლის იაპონელი იუკო ვატანაბე (Yuko Watanabe) მან 56.33 კმ. ირბინა იაპონიის ქალაქ ტაკაშიმაში (ღამის რბენა). ქეიპ თაუნში რიანა ვან ნიეკერკი (Riana van Niekerk ) გავიდა მეორე ადგილზე 55.21 კმ. გარბენილი მანძილით.
ძალიან შთამბეჭდავი შედეგი აჩვენა შვედმა გამარჯვებულმა, ეტლით მოსარგებლე მონაწილემ, რომელმაც 64.82 კმ. გადალახა. აარონ ანდრესონი (Aron Anderson) პირველი ეტლით მოსარგებლე გახდა, ვინც ნაციონალური გამარჯვებულია Wings for Life მსოფლიო რბენის ისტორიაში.
რბენის პარალელურად სხვადასხვა სპორტული და გასართობი აქტივობა ტარდებოდა ბავშვებისათვის და აგრეთვე, გაიმართა კონცერტი ქართული ჯგუფების მონაწილეობით.
ვიდეო
