ოზურგეთში ახალგაზრდა მამაკაცი მოკლეს. შემთხვევა იაკობ შემოქმედელის ქუჩაზე ცოტა ხნის წინ მოხდა. როგორც "ინტერპრესნიუსს" შინაგან საქმეთა სამინისტროში განუცხადეს, მოკლულია 23 წლის მამაკაცი.
მათივე ინფორმაციით, მომხდარზე სისხლის სამართლის საქმე 108-ე მუხლით აღიძრა, რაც განზრახ მკვლელობას გულისხმობს.
"ადგილზე პოლიცია იმყოფება და საგამოძიებო მოქმედებები მიმდინარეობს. ფაქტზე სისხლის სამართლის საქმე 108-ე მუხლით აღიძრა", - აცხადებენ შსს-ში.
არსებული ინფორმაციით, გასროლა ცეცხლსასროლი იარაღიდან განხორციელდა. გავრცელებული ცნობით, მოკლული ახალგაზრდა წარსულში ნასამართლევია.