5
აპრილიდღის ზოგადი ასტროლოგიური პროგნოზი
ნატო-ს გენერალური მდივნის სპეციალური წარმომადგენელი კავკასიასა და ცენტრალურ აზიაში ჯეიმს აპატურაი ქართველი მხატვრის, ნინო ჩაკვეტაძის ნახატებით დაინტერესდა.
როგორც საზოგადოებრივი მაუწყებლის ჟურნალისტმა ქეთევან ქარდავამ Ambebi.ge-ს განუცხადა, მან "ფეისბუქის" გვერდზე მოიწონა ნინო ჩაკვეტაძის ნამუშევრები, რის შემდეგაც ჯეიმს აპატურაი დაუკავშირდა.
"მე ჯეიმსს მივწერე, რომ ნახატები ეკუთვნოდა ნინო ჩაკვეტაძეს და პირობა მივეცი, რომ გავაცნობდი პირადად. აპატურაი შეყვარებულია ნინო ჩაკვეტაძის გმირებზე, სერიაზე - "ბავშვობაში დაბრუნება". დავუკავშირდი ქალბატონ ნინოს და მოვუყევი ეს ისტორია, ძალიან გაუხარდა. მითხრა, რომ ადევნებს თვალს ჯეიმსს ყოველთვის და მოხარული იქნება თუ გაიცნობს", - აცხადებს ქეთევან ქარდავა.
ჟურნალისტის თქმით, ჯეიმსმა გადატვირთული გრაფიკის გამო ვერ მოახერხა მხატვართან შეხვედრა.
"ახალ წელს შემთხვევით აღმოვაჩინე, რომ დაიბეჭდა ნინო ჩაკვეტაძის ნახატებით კალენდარი. ვიცოდი, რომ ეს იქნებოდა საუკეთესო საჩუქარი ჯეიმს აპატურაისთვის. ამიტომ ვიყიდე და ვაჩუქე. როგორც მოსალოდნელი იყო, ძალიან გაუხარდა, განსაკუთრებით მოეწონა პირველ გვერდზე დაბეჭდილი ნახატი. მითხრა, რომ მის ქალიშვილს ძალიან მოეწონებოდა", - ამბობს ჟურნალისტი.
ჯეიმს აპატურაიმ კი ქართველ ჟურნალისტს უთხრა, რომ მომავალი ვიზიტის დროს აუცილებლად ეწვევა ნინო ჩაკვეტაძეს და პირადად გაიცნობს მას.
თეა ბითაძე
AMBEBI.GE
