4
აპრილიდღის ზოგადი ასტროლოგიური პროგნოზი
ვაკეში, ჭავჭავიძის #7-ში "ბიბლუსი გალერეა" გაიხსნა. სამ სართულზე განთავსებული "ბიბლუსი გალერეა" წიგნების მაღაზიას, სამკითხველო სივრცესა და მსოფლიო ბრენდის Ci Gusta-ს კაფეს მოიცავს. უახლოეს მომავალში შენობის ნულ სართულზე საბავშვო სივრცე გაიხსნება.
"ბიბლუსი გალერეა"-ში მისულ მკითხველს წიგნებისა და საკანცელარიო ნივთების მრავალფეროვანი არჩევანი დახვდება. "ვეცადეთ მომხმარებლისთვის ძალიან სასიამოვნო სივრცე შეგვექმნა. ეს არის არა მხოლოდ დიდი ფორმატის წიგნის მაღაზია, არამედ სივრცე, სადაც მომხმარებლები დასვენებას, იტალიელი მზარეულის რეცეპტით მომზადებული გემრიელი ყავისა და პიცის მირთმევას შეძლებენ", - აღნიშნა "ბიბლუსის" მარკეტინგის სამსახურის ხელმძღვანელმა თათა დგებუაძემ.
იტალიური კაფეს Ci Gusta-ს სტუმრებს იტალიელი მზარეულისგან პიცის, მრავალფეროვანი ნაყინის, ყავისა და ტკბილეულის დაგემოვნება შეეძლებათ. ამასთან, მხოლოდ Ci Gusta-ს მომხმარებლებს შეეძლებათ იტალიური Pancrocchino-ს დაგემოვნება. რაც შეეხება საბავშვო სივრცეს, რომელიც უახლოეს მომავალში გაიხსნება, "ბიბლუსის" საბავშვო ცენტრი ორიენტირებული იქნება პატარების არა მხოლოდ ფიზიკურ, არამედ ინტელექტუალურ-შემეცნებით განვითარებაზე. ცენტრებთან ითანამშრომლებენ ბავშვთა ფსიქოლოგები, პედაგოგები და ანიმატორები.
"ბიბლუსი გალერეა"-ს საზეიმო გახსნაში მონაწილეობა მიიღეს თოვლის ბაბუამ, მერი პოპინსმა, ელფიმ და დონ კიხოტმა. მათ სტუმრებს ბუშტები და ფლაერები დაურიგეს. ბავშვებისთვის სპეციალური პროგრამა მოეწყო და თოვლის ბაბუამ პატარებს ზღაპრები წაუკითხა.
საზეიმო ღონისძიებაზე "ბიბლუსის" ერთგულ მომხმარებლებს ქსელში დაგროვილი ბილეთებით საჩუქრების მიღების შესაძლებლობა მიეცა. წინასაახალწლო დღეებში "ბიბლუსი გალერეა"-ში თოვლის ბაბუა დაიდებს ბინას, რომელიც ყოველ საღამოს პატარებს ზღაპრებს წაუკითხავს და სხვადასხვა სახის გართობას შესთავაზებს.
ამასთან, "ბიბლუსი გალერეა"-ში და "ბიბლუსის" მაღაზიათა ქსელში ყველა წიგნზე საახალწლოდ 50%-მდე ფასდაკლებაა. გარდა ამისა, სპეციალურად "ბიბლუსი გალერეა" ყოველდღე, 08:00 საათიდან ღამის 12:00 საათამდე იმუშავებს.
