ოჰაიოს შტატის ქალაქ კლივლენდში ოთხი ადამიანი მოკლეს

ოთხი ადამიანი, მათ შორის ერთი ორსული ქალი დაიღუპა აშშ-ის ოჰაიოს შტატის ქალაქ კლივლენდში მომხდარი სროლის შედეგად. ადგილობრივი პოლიციის განცხადებით, თავდამსხმელი ადგილობრივი მცხოვრებლების სახლში შეიჭრა და იქ მყოფებს ცეცხლი გაუხსნა. სროლის შედეგად დაიჭრა 10 წლის გოგონა, რომელმაც გაქცევა მოახერხა. კლივლენდის პოლიციის ინფორმაციით, ამ დრომდე უცნობია თავდამსხმელის ვინაობა და თავდასხმის მოტივი.