31
მარტიდღის ზოგადი ასტროლოგიური პროგნოზი
"საქსტატმა" წლიური ინფლაციის ახალი მაჩვენებლები გამოაქვეყნა, საიდანაც ჩანს, რომ მიმდინარე წლის სექტემბერში გასული წლის ანალოგიურ პერიოდთან შედარებით, ინფლაციის დონე 4,8%-ით გაიზარდა. სტატისტიკური მონაცემებით, ეს მაჩვენებელი 2011 წლის ამავე პერიოდის შემდეგ ყველაზე მაღალია. 1,2%-ით არის გაზრდილი ინფლაცია აგვისტოსთან შედარებითაც. იმავე "საქსტატის" ინფორმაციით, წლიური ინფლაციის მაჩვენებელზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები - ამ ჯგუფზე ფასები გაიზარდა 8,4%-ით, რამაც წლიური ინფლაციის მთლიან მაჩვენებელზე 2,56%–ული პუნქტით მოახდინა გავლენა. ფასების მნიშვნელოვანი ზრდა დაფიქსირდა შემდეგ ქვეჯგუფებზე: ბოსტნეული და ბაღჩეული - 27,3%, ხილი და ყურძენი - 16,9%. ამასთან, ფასები შემცირდა ზეთსა და ცხიმზე - 4,3%-ით.
ერთი შეხედვით უცნაურია, მაგრამ 15,2%-ით გაიზარდა ჯანდაცვის მომსახურებისა და სერვისის ფასი, რაც წლიურ ინფლაციაზე 1,37 პროცენტული პუნქტით აისახა. ამ ჯგუფში ფასების მატება აღინიშნა სამედიცინო პროდუქციის, აპარატურისა და მოწყობილობის ქვეჯგუფსა და ამბულატორიულ სამედიცინო მომსახურებაზე.
ბუნებრივია, ჩვენი საზოგადოება ამ მონაცემებს უარყოფითად აფასებს, თუმცა არსებობს ხალხი, ვინც გაძვირებაში პოზიტივს ხედავს. მათ შორისაა ეკონომიკის ექსპერტი ვაჟა კაპანაძე.
-შემოდგომაა, წესით, ქვეყანაში სურსათისა და საკვები პროდუქტების გაძვირების საფუძველი არ უნდა არსებობს. რამ გამოიწვია ეს გაძვირება?
- მიმაჩნია, რომ ამაში საგანგაშო არაფერია. ძირითადად სურსათი და სოფლის მეურნეობის პროდუქცია გაძვირდა, მაგრამ შემოდგომა აქ არაფერ შუაშია: ეს სიტუაცია დამატებითი ბაზრების გახსნისა და იმ მოლოდინის ბრალია, რომელიც ევროკავშირთან ასოცირების ხელშეკრულებამ შექმნა. რუსეთის ბაზარზე გასვლით კატასტროფულად გაიზარდა მოთხოვნა ყურძენზე, რაც მაშინვე აისახა ყურძნის ფასზე. იგივე მოხდა ისეთ პროდუქციაზე, რომლის გატანაც ქართველმა მეწარმეებმა დაიწყეს. მე უფრო მეტსაც მოველოდი, იმიტომ, რომ სადაც მაღალია ფასი, პროდუქციის გადინებაც იქით ხდება, თუ ამას ხელოვნური ბარიერები არ ახლავს, ვგულისხმობ როგორც სატარიფო, ისე არასატარიფო შეზუდვებს. ყოველივე ეს კი, სტიმულს აძლევს ფასების ზრდას. უცბად გაჩნდა ახალი ბაზრის პერსპექტივა და ამან მოახდინა გავლენა სურსათის ფასზე.
"საქსტატმა" წლიური ინფლაციის ახალი მაჩვენებლები გამოაქვეყნა
