მნიშვნელოვანი ინფორმაცია
14
აპრილიდღის ზოგადი ასტროლოგიური პროგნოზი
ორშაბათი, მთვარის მეჩვიდმეტე დღე დაიწყება 22:48-ზე, მთვარე მორიელშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა უნდა გავაკეთოთ იმისთვის, რომ ბავშვმა მათემატიკა ისწავლოს
06:42 / 09-09-2014
მათემატიკის მიმართ ინტერესი და ამ საგნის საფუძვლიანი შესწავლა ყველა მოსწავლის ინტერესის სფერო არ არის, თუმცა როგორც სპეციალისტები ამბობენ, თუ ხელშეწყობა იქნება, ეს ყველას შეუძლია... თუმცა მათემატიკის საუკეთესოდ შესწავლით მაინც განსაკუთრებული ნიჭის ბავშვები ინტერესდებიან, რომლებიც ამ ცოდნას სხვადასხვა სპეციფიკურ სასწავლო ცენტრებში ეუფლებიან და იღრმავებენ. ერთ-ერთი ასეთი საინფორმაციო ტექნოლოგიების ცენტრი "მზიური" გახლავთ, სადაც თავს იყრიან გონებაგახსნილი და სხარტად მოაზროვნე მოსწავლეები.
დავინტერესდით სწორედ იმით, თუ რა არის მთავარი და მნიშვნელოვანი იმისთვის, რომ პატარები მათემატიკით დაინტერესდნენ. ამისთვის აღნიშნული ცენტრის დირექტორს გია თოდრიას და მის მოადგილეს ამირან მეტრეველს შევხვდით.
- როგორ დავაინტერესოთ ბავშვები მათემატიკით?
- ბავშვის განვითარების პროცესში უმნიშვნელოვანესია სკოლამდელი ასაკი. ამ პერიოდში დიდი ინტენსივობით ხდება გარემოს შეცნობა და ცხოვრებისთვის აუცილებელი სხვადასხვა უნარის განვითარება. სწორედ ამ ასაკშია მნიშვნელოვანი აზროვნებისთვის საჭირო უნარების გავრცობა. საუბარია არა რომელიმე კონკრეტული დისციპლინის ასათვისებლად საჭირო, არამედ ე.წ. ზოგად, ლოგიკური აზროვნებისთვის აუცილებელი უნარების განვითარებაზე. თუ ამ პერიოდში ფუნდამენტი სწორად არის ჩაყრილი, ნიშნავს, რომ ბავშვს შემდგომ ეტაპზე მზაობა უკვე აქვს.
ამასთან, არსებობს სხვადასხვა კონკურსი, შეჯიბრი, რომელშიც ბავშვები მონაწილეობენ, მათ შორის მათემატიკაშიც, ასეთ დროს ოჯახიც აქცევს ყურდღებას და ამგვარი მოსწავლეები ჩვენი თვალთახედვის არეშიც ხვდებიან. დაახლოებით მეოთხე-მეხუთე კლასის მოსწავლეებს ჩამოყალიბებული აქვთ ეს მიდრეკილებები. ჩვენს ნიჭიერ ბავშვებთან მუშაობის პროგრამაშიც სწორედ ამ ასაკში (IV-VII კლასი) ხვდებიან ისინი, რომლებმაც მათემატიკური მიდრეკილებები უკვე გამოამჟღავნეს.
- თუ ბავშვს მათემატიკისადმი მიდრეკილება აღმოაჩნდა, რა უნდა მოვიმოქმედოთ იმისთვის, რომ მას ეს უნარი განვუვითაროთ?
- უმჯობესად მიმაჩნია, რომ ჩვენ კი არ "ვუკარნახოთ" ამა თუ იმ დისციპლინით დაინტერესება, არამედ, მივცეთ საშუალება, რომ თვითონ გამოავლინოს ინტერესი და დავეხმაროთ მიდრეკილებების სწორად შერჩევაში.
ადრეულ ასაკში მათემატიკური უნარებით განვითარების ერთ-ერთი ყველაზე გამოცდილი გზა ლოგიკური ამოცანების რეგულარულად ამოხსნაა. ჩვენ ვებგვერდზე მუდმივად არის განთავსებული მათემატიკურ-ლოგიკური ტიპის 5 ამოცანა, რომლის ამოხსნასაც სპეციალური მათემატიკური ცოდნა არ სჭირდება, უფრო ლოგიკა და გააზრება არის მთავარი და მნიშვნელოვანი. მიგვაჩნია, რომ ასეთ ამოცანებზე მუშაობა ამ ასაკში გამართლებულია. არსებობს შემთხვევები, როცა მათ ამოხსნაში მთელი ოჯახია ჩართული. ეს ერთ-ერთი კარგი საშუალებაა, ბავშვებთან და ოჯახის წევრებთან მუშაობისა.
- არსებობს მოსწავლეებში ასეთი გამოთქმა: "მათემატიკას ვერასდროს ვისწავლი იმიტომ, რომ არ მესმის". რას გვეტყვით, ამ საგნის შესწავლა ნებისმიერ ბავშვს შეუძლია?
- მათემატიკის საფუძვლების გარკვეული მინიმუმის შესწავლა არა თუ შესაძლებელი, არამედ, პრაქტიკულად, სავალდებულოცაა ყველა მოსწავლისთვის. რა თქმა უნდა, მათემატიკის საფუძვლების სკოლაში სწავლების მთავარი ამოცანა სწორედ ლოგიკური აზროვნებისთვის საჭირო უნარების გავრცობაა. ეს უნარები სჭირდება ყველას, როგორც მათემატიკოსს, ასევე მხატვარსა და კომპოზიტორს...
- არის შემთხვევები, როდესაც ბავშვი რთული ლოგიკური ამოცანების ამოხსნას მარტივად ართმევს თავს სახლში, მაგრამ გამოცდაზე ან ოლიმპიადაზე მარტივ ამოცანებსაც კი ვერ უმკლავდება. გვირჩიეთ, როგორ დავაძლევინოთ ბავშვს სტრესი?
- ასეთი ბავშვები, რა თქმა უნდა, არსებობენ. საოლიმპიადო სტრესის დაძლევის რაიმე გარანტირებული რეცეპტი არ არსებობს. ერთი, ყველაზე გამოცდილი საშუალება ისევ და ისევ ოლიმპიადებში მონაწილეობაა. დროთა განმავლობაში, ბავშვების გარკვეული ნაწილი საკუთარი თავის რწმენას იძენს და სტრესის დაძლევას ახერხებს.
- თქვენი დაკვირვებით, რა ტენდენცია შეინიშნება - იზრდება თუ არა მოსწავლეების ინტერესი მათემატიკის და პროგრამირებისადმი?
- მათემატიკისადმი ინტერესის ზრდა არ შეიმჩნევა. თუმცა, აშკარაა ფიზიკა-მათემატიკური სკოლებით დაინტერესება. წლიდან წლამდე იზრდება ამ სკოლებში სწავლის მსურველთა რაოდენობა.
პროგრამირების მიმართ ინტერესი კი იზრდება. ამას ძალიან ჩვეულებრივი პრაგმატული მიზეზები აქვს. ცნობილია, რომ პროგრამისტის პროფესია ძალზე მომგებიანია, მაღალანაზღაურებადია, მათ შორის, ჩვენთანაც. უკვე გაჩნდა იმის მაგალითები, რომ ჩვენი ახალგაზრდები საზღვარგარეთაც, დიდ, სერიოზულ კომპანიებში მაღალ ანაზღაურებებზეც მუშაობენ. ამდენად, ინტერესი ამ პროფესიის მიმართ გაცილებით მაღალია, ვიდრე წინა წლებში იყო. მაგრამ ეს მხოლოდ ინტერესია, რადგანაც ქმედითი ნაბიჯები არ იდგმება იმისთვის, რომ ეს განვითარებული და ხელშეწყობილი იქნას. ამ წუთას ჩვენი სკოლები და განათლების სიტემა არ არის მომართული, რომ ასეთ ბავშვებს დაეხმარონ.
- ამ სფეროში არსებული პრობლემები როგორ უნდა დარეგულირდეს და დალაგდეს?
- გამზადებული რეცეპტი ამისი არ არსებობს, იქნებ ერთხელ მაინც დაისვას ეს საკითხი, რომ ასეთ ბავშვებს მიხედვა სჭირდებათ...
ეს ქვეყნისთვის და კერძოდ, განათლების სისტემისთვის სერიოზული პრიორიტეტი უნდა იყოს. გამორჩეული ბავშვისგან გამორჩეული ადამიანები დგებიან, რომლებსაც არასტანდარტული, ორიგინალური აზროვნება შეუძლიათ, ასეთივე გადაწყვეტილებების მიღებაც, იქნება ეს ქვეყნის თუ დიდი ორგანიზაციების მართვა. ასეთი ადამიანები საჭირონი არიან. თუ არ მივაქცევთ ყურადღებას, მათი ქვეყნიდან გადინება მოხდება.
ლალი ფაცია
სპეციალურად "ამბები.გე"-სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
