მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მიხეილ სააკაშვილს პატიმრობა შეეფარდა
16:24 / 01-08-2014
მიხეილ სააკაშვილს, ზურაბ ადეიშვილსა და დავით კეზერაშვილს აღკვეთის ღონისძიების სახით პატიმრობა შეეფარდათ, - აღნიშნული გადაწყვეტილება საქალაქო სასამართლომ ამ წუთებში გამოიტანა.
მიხეილ სააკაშვილს, დავით კეზერაშვილსა და ზურაბ ადეიშვილს, რომლებიც როგორც ცნობილია, საქართველოში არ იმყოფებიან, 7 ნოემბრის აქციის დარბევისა და "ტელეიმედში" შეჭრის საქმეზე სისხლის სამართლის კოდექსის 333-ე მუხლით გათვალისწინებული დანაშაული ედებათ ბრალად, რაც სამსახურებრივი უფლებამოსილების გადამეტებას გულისხმობს.
მათთან ერთად ბრალდებულები არიან პატიმრობაში მყოფი დედაქალაქის ყოფილი მერი გიგი უგულავა და შინაგან საქმეთა ყოფილი მინისტრი ვანო მერაბიშვილი. მერაბიშვილსა და უგულავას პატიმრობა სხვა სისხლის სამართლის საქმეზე აქვთ შეფარდებული. ამ ეტაპზე პროკურატურას 7 ნოემბრის აქციის დარბევისა და "ტელეიმედში" შეჭრის საქმეზე უგულავასა და მერაბიშვილის მიმართ აღმკვეთი ღონისძიების შეფარდების შუამდგომლობით სასამართლოსთვის არ მიუმართავს.
ადვოკატ ოთარ კახიძის განცხადებით, დაცვის მხარე ყველა ფორმალურ პროცედურას გაივლის. მისი თქმით, დღევანდელი გადაწყვეტილება უსაფუძვლოა, რადგან მიხეილ სააკაშვილის წინააღმდეგ ბრალდების მხარეს მტკიცებულებები არ გააჩნია.
"მათ გააჩნიათ ბურჯანაძის და კიდევ ერთი მოწმის - ჩხარტიშვილის ჩვენებები. ცხადია, რომ ბრალდების დადგენილების შემდეგ შეიკერა ეს საქმე. პროკურატურა პოლიტიკურ დევნას ახორციელებს", - განაცხადა ადვოკატმა.
პროკურორი ირაკლი ნადარეიშვილი კი აცხადებს, რომ სასამართლომ მიიღო დასაბუთებული გადაწყვეტილება, ბრალდებულების მიმართ აღმკვეთი ღონისძიების შეფარდების თაობაზე.
მოსამართლე სპარტაკ პავლიაშვილმა სააკაშვილის, კეზერაშვილისა და ადეიშვილის მიმართ აღმკვეთის ღონისძიების სახით პატიმრობის შეფარდების საფუძვლად საქმეში არსებული გარკვეული მტკიცებულებები დაასახელა. წინასასამართლო სხდომა 22 სექტემბერს, 12.00 საათზე ჩაინიშნა.
წინასასამართლო სხდომის მაქსიმალური ვადით ჩანიშვნა პროურატურის შუამდგომლობის საფუძველზე მოხდა, რასაც დაცვის მხარეც დაეთანხმა. პროკურორებმა განაცხადეს, რომ საქმის მოცულობიდან გამომდინარე, მთელი რიგი საგამოძიებო მოქმედებებია ჩასატარებელი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
