მნიშვნელოვანი ინფორმაცია
3
მაისიდღის ზოგადი ასტროლოგიური პროგნოზი
შაბათი, მთვარის მეშვიდე დღე დაიწყება 09:50-ზე, მთვარე ლომში გადაბრძანდება 15:36-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ.
ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ.
კარგი დღეა მსხვილი საყიდლებისთვის. კარგი დღეა შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. მოერიდეთ გულის გადაღლას; ოპერაციებს გულსა და ზურგზე. შესაძლოა შეგაწუხოთ რადიკულიტმა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
6 შეცდომა რასაც ყველა ქმარი უშვებს
03:00 / 10-07-2014
ჩვენს ერთგულ მკითხველს ემახსოვრება სტატია 8 შეცდომა, რასაც ყველა ცოლი უშვებს. ვინაიდან არც ქმრები არიან "ანგელოზები" და ოჯახურ პრობლემებში მხოლოდ ცოლის ხელი არ ურევია, ამჯერად მამაკაცების შეცდომებს წარმოგიდგენთ, რომელიც ქორწინებას ბზარს უჩენს.
1. ოჯახში ბატონობა: 21-ე საუკუნის ქალებს მრისხანე, უხასიათო და ყველაფერში დომინანტი მამაკაცები არ ხიბლავთ. შეიძლება ცოლმა რამდენჯერმე რაღაც დათმოს, მაგრამ იმედი ნუ გექნებათ, რომ ეს საუკუნოდ გაგრძელდეს. როდესაც ოჯახში მნიშვნელოვან გადაწყვეტილებას იღებთ, ეს ცოლთან შეათანხმეთ. რადგან კაცი ხართ, ეს იმას არ ნიშნავს, რომ ურთიერთობა თქვენი სურვილისამებრ წარმართოთ.
2. უმადურობა: მამაკაცები თვლიან, რომ სახლის დალაგება, ბავშვებზე ზრუნვა და სადილის მომზადება ქალის საქმეა და ცოლისთვის მადლობის თქმა საჭირო არაა. აღმოჩნდა, რომ ძალიან ცდებით. დილით სუფთა პერანგი და საუზმე რომ გხვდებათ, სიტყვიერი მადლობის თქმა დიდი პრობლემაა? ოფიციალური სტატისტიკით, დასაქმებულ ქალზე მეტად დიასახლისი იღლება. გამოხატეთ მადლიერება და უთხარით ცოლს ქათინაური. სხვა თუ არაფერი, გემრიელ სადილს სიყვარულით გიმზადებენ, ამავე კერძში მზარეული დიდ თანხას გამოგართმევდათ.
3. კომპლიმენტს არ ეუბნებით: თქვენს გვერდით ისევ ის ქალია, რომელსაც ყველა პაემანზე ახალ ვარცხნილობასა, თუ სამოსზე კომპლიმენტს აღფრთოვანებული ეუბნებოდით, ახლა კი ვეღარაფერს ამჩნევთ.
4. ბოდიშს არასდროს უხდით: ყველა ცოლ-ქმარი ჩხუბობს. მაგრამ გამოხატეთ პატივისცემა და ჩხუბის შემდეგ ბოდიში მოიხადეთ. ბედნიერი ქორწინების ერთ-ერთი გასაღები ისაა, რომ კინკლაობის შემდეგ ბოდიში მოიხადოთ.
5. სექსის დროს ეგოისტობა: არავის აინტერესებს ქმარს როგორი რთული დღე ჰქონდა სამსახურში, ან ეჩხუბა თუ არა უფროსს, ცოლი არაფერ შუაშია. ცოლი, რომელიც ლოგინში ბედნიერია, საზოგადოებასაც ნაკლებად უშლის ნერვებს.
6. არაფერში ეხმარებით: ცოლი არც მტვერსასრუტია და არც სარეცხი მანქანა - ის პირველ რიგში, ქალია. ყველა ქალი ახერხებს ოჯახში ფუსფუსს, მაგრამ იქნებ ჰკითხოთ, რამე ხომ არ სჭირდება? არაფერი დაშავდება ტვირთს თუ შეუმსუბუქებთ და შვილებს პარკში გაასეირნებთ, ან დღის ბოლოს ნაგავს გადაყრით.
მომზადებულია Theasianparent-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
