4
მაისიდღის ზოგადი ასტროლოგიური პროგნოზი
ბრიტანელმა ფსიქოლოგებმა შიმშილსა და მსუქანი ადამიანების სექსუალურ მომხიბვლელობას შორის კავშირი იპოვეს. მკვლევარებმა დაადგინეს, რომ მშიერი მამაკაცი პუტკუნა, "მადისაღმძვრელ" პარტიორს ირჩევს.
ეს დასკვნა ექსპერტებმა 266 მამაკაცის გამოკვლევის შედეგად გამოიტანეს. ტესტის პირობების თანახმად, მშიერ და დანაყრებულ მამაკაცებს ქალების სურათებს უჩვენებდნენ და სთხოვდნენ, მთგან ყველაზე მომხიბვლელი დაესახელებინათ. მშივრებმა ყველაზე ლამაზებად ფუმფულა ფორმების მქონე ქალბატონები დაასახელეს. იგივე ტენდენცია დაფიქსირდა მშიერი ქალების ტესტირებისას.
ფსიქოლოგების თქმით, კვლევის შედეგები ცხადყოფს, რომ სექსი და ჭამა პირდაპირ კავშირშია ერთმანეთთან. "არც ისაა შემთხვევითი, რომ რომანტიკული ვახშმის შემდეგ სექსის ხასიათზე ვდგებით" - განაცხადა ედინბურგის უნივერსიტეტის პროფესორმა გარეტ ლენგმა.
მისი თქმით, შიმშილისა და სექსუალური აღგზნების დროს ტვინის ერთი და იგივე უბანი აქტიურდება. ვესტმინსტერის უნივერსიტეტის ფსიქოლოგს, ვირენ სუამს სხვა მოსაზრება აქვს. მისი ვარაუდიოთ, მსუქნები მშიერი ადამიანების ყურადღებას იმიტომ კი არ იპყრობენ, რომ უფრო სექსუალურად ეჩვენებათ, არამედ იმიტომ, რომ ქვეცნობიერად მშიერი ადამიანი მას კარგ მონადირედ და საკვების მომპოვებლად მიიჩნევს.
მომზადებულია The Daily Telegraph-ის მიხედვით.
