სურსათის ეროვნულმა სააგენტომ საშაურმე დახურა
სურსათის ეროვნულმა სააგენტომ საშაურმე "დონ ჩიჩო" დახურა და ბიზნესოპერატორი 1000 ლარით დააჯარიმა. როგორც "ინტერპრესნიუსს" სურსათის ეროვნული სააგენტოდან აცნობეს, სააგენტოს სურსათის დეპარტამენტმა კოსტავას #75-ში მდებარე საშაურმე "დონ ჩიჩოში" (შპს "CHICHO PLUS") მონიტორინგი ჩაატარა.
"ლაბორატორიული კვლევით დადგინდა, რომ შაურმა დაბინძურებული იყო მეზოფილური აერობებით, ფაკულტატური ანაერობებით, კოლიფორმებით, ეშერიხია კოლის (E.Coli) ბაქტერიითა და სალმონელათი, რის გამოც საწარმოში არაგეგმური ინსპექტირება განხორციელდა", - აცხადებენ სააგენტოში.
მათივე ინფორმაციით, სურსათის ეროვნული სააგენტოს სურსათისა და ცხოველური საკვების ინსპექტირების დეპარტამენტმა საშაურმეს საწარმოო პროცესი შეუჩერა და სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის 68-ე მუხლის მე-3 ნაწილის თანახმად, ბიზნესოპერატორი 1000 ლარით დააჯარიმა.
"საწარმოს დახურვის საფუძველი გახდა კრიტიკული შეუსაბამობები - სანიტარიულ-ჰიგიენური ნორმებისა და ტემპერატურული რეჟიმების დარღვევა და სხვ.
საშაურმე "დონ ჩიჩოს" კრიტიკული შეუსაბამობების აღმოფხვრამდე შეუჩერდა შაურმისა და სხვა საკვები პროდუქტების რეალიზაციის უფლება. სურსათის ეროვნული სააგენტო კრიტიკული შეუსაბამობების აღმოფხვრის შემდეგ ობიექტს კვლავ გადაამოწმებს და საშაურმე მხოლოდ რეკომენდაციების შესრულების შემთხვევაში შეძლებს ფუნქციონირების გაგრძელებას", - განმარტავენ სააგენტოში.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
