3
მაისიდღის ზოგადი ასტროლოგიური პროგნოზი
პატარა გოგონებს, უბრალოდ, ძალიან უყვართ მამიკოები. ყოველი მათგანი ფიქრობს, რომ სწორედ მამამ გამოჰკიდა ცაში მთვარე და გაფანტა ვარსკვლავები.
მამიკოებო! დროდადრო, როცა თქვენს პატარა გოგონას უყურებთ, იფიქრეთ, რომ ერთ მშვენიერ დღეს ის გაიზრდება და რასაც თქვენ აკეთებთ და ამბობთ დღეს, მისთვის მთელი ცხოვრების განმავლობაში მნიშვნელოვანი იქნება. ამიტომაც ასწავლეთ ის, რაც გსურთ, რომ იცოდეს მან მომავალში მამაკაცებზე, ცხოვრებაზე, საკუთარ თავსა და სიყვარულზე!
1. როგორც შენ გიყვარვარ, ისე მეყვარება მეც საკუთარი თავი.
2. მკითხე, როგორ ვგრძნობ თავს და ყურადღებით მოუსმინე ჩემს პასუხს. ჩემთვის მნიშვნელოვანია ვიცოდე, რომ შენ უკვე იქამდე მაფასებდი, სანამ საკუთარ თავს თავად დავაფასებდი.
3. იმის მიხედვით გავიგებ, თუ რას ნიშნავს იყო მზრუნველი, როგორი დამოკიდებულებაც გექნება დედაჩემის მიმართ და მნიშვნელობა არ აქვს, ერთად იქნებით ისევ თუ არა.
4. როცა ჩემზე გაბრაზებული ხარ, მე ვგრძნობ ამას, თუნდაც არ მესმოდეს, რატომ. ამიტომაც მესაუბრე ყოველთვის!
5. ყოველ ჯერზე, როცა შენ სიკეთეს ავლენ ჩემ თუ სხვის მიმართ, მე ვსწავლობ ნდობას.
6. ჩემთვის მნიშვნელოვანია, ვხედავდე, რომ შენ ფიზიკურად ძლიერი ხარ. ასე მე ვსწავლობ მამაკაცის ფიზიკური სიძლიერის დაფასებას.
7. ძალიან გთხოვ, ნუ ილაპარაკებ სექსზე, როგორც მოზარდი, თორემ ვიფიქრებ, რომ ეს რაღაც სიბინძურეა.
8. როცა ალერსიანად მელაპარაკები, შენი ბევრად უკეთ მესმის.
9. როცა შენ ქალის სხეულზე ხუმრობით საუბრობ, იცოდე, რომ ზუსტად ასეთად წარმოვიდგენ მე საკუთარ სხეულს.
10. როგორც შენ მოექცევი ჩემს გულს, ზუსტად ასე მოქცევის უფლებას მივცემ მომავალში სხვა მამაკაცებს.
11. თუ მასწავლი იმის პოვნას, რა მომიტანს სიხარულს, მთელი ცხოვრება მხოლოდ ამის ძიებაში ვიქნები.
12. თუ თავს შენ გვერდით უსაფრთხოდ მაგრძნობინებ, მე შევძლებ ავარჩიო მამაკაცი, რომელთანაც თავს ზუსტად ასე ვიგრძნობ.
