14
აპრილიდღის ზოგადი ასტროლოგიური პროგნოზი
ადმინისტრაციულ სამართლადღვევათა კოდექსის 166-ე მუხლით, წვრილმანი ხულიგნობის ბრალდებით დაკავებული გიორგი მაჭარაშვილი, მიხეილ ზარდიაშვილი და პაატა რუაძე გურჯაანის რაიონული სასამართლოს მოსამართლე ნათელა ჯაშიაშვილმა უდანაშუალოდ სცნო და სასამართლო დარბაზიდან ჯარიმის გარეშე გაათავისუფლა. ისინი გუშინ საღამოს საპატრულო პოლიციამ გურჯაანში, ნონეშვილის გამზირზე მდებარე სუპერმარკეტ "ორ ნაბიჯზე" მომხდარი ინცინდენტის დროს დააკავა. მათ მარკეტში ნაყიდ "მუჟუჟში" მატლები აღმოაჩინეს და მაღაზიის მეპატრონესა და გამყიდველებს აღნიშნულზე პასუხს სთხოვდნენ.
- "სუპერმარკეტ "ორ ნაბიჯზე" "მუჟუჟი" შევიძინეთ. ჭამა რომ დავიწყეთ, აღმოვაჩინეთ, რომ არ ვარგოდა. შიგ მატლები იყო. უკან მივიტანეთ. ნახეს და თქვეს ეს ჩვენი არ არისო,"-განაცხადა სასამართლო სხდომაზე გიორგი მაჭარაშვილმა. მეორე დაკავებულის, პაატა რუაძის თქმით, მას შემდეგ, რაც "მუჟუჟის" ნაწილი საჩვენებლად მაღზიაში დააბრუნეს, "გადააგდეს, რომ ფაქტი გაექროთ."
ბრალის წაყენების შემთხვევაში მათ ადმინისტრაციული ჯარიმა, ასი ლარის ოდენობით, ან ერთი თვით პატიმრობა ემუქრებოდათ.
დაკავებული სამივე პირიდან წარსულში ნასამართლევი არც ერთი არ არის. მოსამართლე ნათელა ჯაშიაშვილმა დაკავებულების მისამართით აღნიშნა: "დაზარალებულების სკამზე უნდა ისხდეთ და არა ბრალდებულების."
სუპერმარკეტის მეპატრონე თინა აბელაშვილი კი, აღნიშნული პროდუქტის შემოწმებას მოითხოვს.
