31
მარტიდღის ზოგადი ასტროლოგიური პროგნოზი
ყველაზე მდაბალ გამოვლინებაში ტელეპატია ემპატიური ხასიათისაა. ახლობელ ადამიანებს შორის ჩნდება და ხშირად ერევათ ინტუიციაში, წინათგრძნობაში და ა.შ. ეს სენსორული ტელეპატიაა, შეგრძნების დონეზე არსებული განცდა. აი, მაგალითად, დედას "ცუდს უგრძნობს გული", რა ხდება არ იცის, მაგრამ მისი "წინათგრძნობა" მართლდება და ბავშვს ამ დროს რაღაც უჭირს. მეცნიერები ფიქრობენ, რომ საფრთხის, შიშის, უბედურების ჟამს ადამიანი ინსტინქტურად გზავნის ტელეპატიურ შეტყობინებს, განსაკუთრებით ახლობელი ადამიანის მისამართით და ასე იჭრება მათ ინფორმაციულ ველში.
მეორეა აზრობრივი ტელეპატია, ექსტრასენსორიკის ამ დონეზე ტელეპატი მეორე ადამიანის აზრებს, გრძნობებს უკვე კონკრეტულ ფორმაში აღიქვამს, გამოსახულებების და ბგერების სახითაც. ეს აზრების წაკითხვის დონეა. ტელეპატიის მაღალი დონე.
ტელეპატიის დახმარებით ჩვენ ზუსტად შეგვიძლია განვსაზღვროთ, თუ სად არის და რას აკეთებს კონკრეტული ადამიანი კონკრეტულ მომენტში. ტელეპატებს კრიმინალისტიკაშიც ხშირად იყენებენ ხოლმე.
იმ ძველ დროში, როცა მობილური ტელეფონები არ არსებობდა იყო ერთი დედა, რომელიც როცა შვილს ვერ უკავშირდებოდა, ჯდებოდა სავარძელში, თვალებს ხუჭავდა და ცდილობდა შვილისთვის ტელეპატიური შეტყობინება გაეგზავნა - ვნერვიულობ, დაბრუნდი. შვილიც "იღებდა მესიჯს" და ბრუნდებოდა. ამბობდა, რომ გულმა უგრძნო, რომ დედას რაღაც უჭირდა. ასეთი რამ ყველას გვიფიქრია - ნეტავ, ვიცოდე, სად არის და რას აკეთებს, რას ფიქრობს, რა უდევს თავში…
არადა ტელეპატია რამე ნიჭი, ზებუნებრივი უნარი არ არის, კონკრეტული ტექნიკებია, ვარჯიშებია საჭირო, რომ ეს უნარი გამოიმუშავო. ჩვენ მოგვდის ეს ინფორმაცია, უბრალოდ ხშირად არ ვუღრმავდებით და ვერ ვაცნობიერებთ, რა ხდება. მესიჯები მოდის, უბრალოდ არ ვხსნით.
იმისთვის, რომ ადამიანთან ტელეპატიური კავშირი დავამყაროთ და განვსაზღვროთ, თუ სად არის და რას აკეთებს ეს კონკრეტული ადამიანი, თავდაპირველად ამ ადამიანის ვიბრაციას უნდა გავეცნოთ, მის ენერგეტიკას. ეს, რა თქმა უნდა დროს და შესაძლოა ხანგრძლივ პრაქტიკას მითხოვდეს, დამოკიდებულია ადამიანის განვითარების დონეზე, თუმცა შესაძლებელი აუცილებლად.
შეგიძლიათ ერთი ან რამდენიმე ადამიანი აირჩიოთ თქვენი გარემოცვიდან და როცა მასთან იქნებით, ეცადეთ ამ ადამიანის ენერგეტიკულ დონეზე აღქმას. რას გრძნობთ მის კომპანიაში. მისი ყოფნა იგრძენით. ეს ადამიანი იგრძენით, იგრძენით ის შეგრძნება, რომელიც მისი ყოფნის დროს გეუფლებათ, შეგრძნება, რომელიც მისგან მოდის. ეს მისი ვიბრაციაა.
ჩვენ ყველანი ვგრძნობთ სხვა ადამიანების ვიბრაციას, ზოგიერთის გვერდით კარგად ვართ, ზოგიერთის გვერდით ცუდად, ყველა ადამიანთან სხვადასხვა შეგრძნება გვეუფლება. ეს ამ ადამიანების ენერგეტიკაა, უბრალოდ ჩვენ ვერ ვაცნობიერებთ, სხვა რამეებში ვურევთ და გამოყოფას ვერ ვახერხებთ.
ეცადეთ ეს ვიბრაცია დაიმახსოვროთ და შემდეგ, როცა მარტოდ დარჩებით, გაიხსენოთ. შეგრძნების დონეზე გაიხსენოთ და არა აზრობრივ დონეზე. წარმოიდგინეთ, თითქოს ის აქ არის, გაიხსენეთ მისი სუნი, მიმიკები, ხმა, სახე, თვალები, მანერები, სიცილი…. დიდხანს კონცენტრირდით, რომ ამ შეგრძნებაში ღრმად შეხვიდეთ. ამ დროს მის ვიბრაციაზე ეწყობით.
