რატომ ავადდებიან თევზები?
ვიწყებთ სტატიების სერიას სამედიცინო თემაზე. განვიხილავთ თითოეულ ზოდიაქოს ნიშანს. ახლა მზე თევზებშია და დავიწყებთ ამ ზოდიაქოს ნიშნით.
თევზები ზოდიაქოს ერთ-ერთი ყველაზე რთული ნიშანია. ის აგროვებს საკუთარ თავში არა მხოლოდ წინა ნიშნების თვისებებს, არამედ მათ დაავადებებსაც.
როგორც გახსოვთ, თევზები ორმაგი ნიშანია. იგი წარმოადგენს ორ თევზს, რომლებიც საპირისპირო მიმართულებით დაცურავენ. ერთი მათგანი არის ძალიან სულიერი, მგრძნობიარე, უაღრესად შემოქმედებითი ტიპის პიროვნება. მეორე ცხოვრობს ილუზიებში (ნარკომანია ან ალკოჰოლური დამოკიდებულება, ფანატიზმი, დაბნეულობა, ბოდვები, სიზმრები).
თევზებს მართავს ნეპტუნი, რომელიც პასუხისმგებელია ტვინის მარჯვენა ნახევარსფეროზე (აბსტრაქტული აზროვნება). ეს ნიშნავს, რომ თევზებს აქვთ იდეალების და წარმოსახვის შექმნის ნიჭი. ამ ნიშანმა მსოფლიოს მისცა ყველაზე მეტი პოეტი, მთხრობელი, ლირიკოსი, მუსიკოსი, მხატვარი და მსახიობი.
ნეპტუნის წყალობით თევზებს აქვთ ყველაზე ძლიერი კავშირი ქვეცნობიერთან და ფსიქიკასთან. თევზებს შეუძლიათ იგრძნონ უმაღლესი სიყვარული, დახვეწილი კოსმიური ენერგიები და ვიბრაციები. ამ ნიშნის ქვეშ იბადებიან ექსტრასენსები, ნათელმხილველები და მსგავსი უჩვეულო შესაძლებლობების მქონე პირები.
თევზების ჰიპერმგრძნობელობა უდიდესი კურთხევაა და უდიდესი პრობლემაც. ემოციური სტრესი თევზებში იწვევს შიშებს, შფოთვას; იწვევს ძილის დარღვევას ან ნევროზებს.
თუ თევზები იძულებულნი არიან განიცადონ ხანგრძლივი ემოციური კონფლიქტები, ორგანიზმში უამრავი ემოციური შხამი და ვირუსი გროვდება. ლიმფური სისტემა ივსება შხამებით, რაც ზოგადად აქვეითებს იმუნიტეტს. ორგანიზმის მავნე ნარჩენებით გადაჭედვის შედეგად ვითარდება თევზების ტიპური კანის დაავადებები – ეგზემა და ფსორიაზი.
თევზები პასუხისმგებელნი არიან ენდოკრინულ, სისხლის მიმოქცევის, ლიმფურ სისტემებზე და მთლიანად ფსიქიკაზე. აქედან გამომდინარე, შეუძლებელია თევზების რომელიმე სპეციფიკურ დაავადებაზე მინიშნება. ზოგიერთ შემთხვევაში ძნელია გაუგებარი მდგომარეობის დიაგნოსტიკა, რომელიც გამოიხატება სისუსტით, ლეთარგიით და ცხოვრების ემოციური აღქმის დაქვეითებით.
ნეპტუნი პასუხისმგებელია ორგანიზმის გაზრდილ მგრძნობელობაზე ქიმიკატების, წამლების, ატმოსფერული და გარემოს დაბინძურების მიმართ; ის აყალიბებს ორგანიზმის აუტანლობას უცხო ნივთიერებებისა და გარემოში ტოქსიკური კონტაქტების მიმართ – ალერგია. ნეპტუნი მართავს ყველა სახის მოწამვლასა და კომატოზურ მდგომარეობას.
თევზები ასოცირდება ფეხებთან. ამიტომ, თუ ამ ნიშნის წარმომადგენლებს სჭირდებათ სიცოცხლისუნარიანობის გაზრდა, ფეხის მასაჟი იდეალურია.
იმისათვის, რომ თევზები იყოს ჯანმრთელი, მას სჭირდება სულიერი თავშესაფარი ცხოვრებაში, ნამდვილი სულიერი მეგობრობა, თანაგრძნობა, მხარდაჭერა, რწმენა მისი იდეალის მიმართ. ამის გარეშე თევზები იტანჯებიან მორალურად და ფიზიკურად.
ნეპტუნი რწმენაცაა. საკუთარი იდეალის რწმენა ნებისმიერი ადამიანის მორალური მხარდაჭერაა. როდესაც არ არსებობს რწმენა ან ქრება იდეალი, როდესაც შინაგანი ავტორიტეტი შეირყევა, ქრება ნდობა, ამის ნაცვლად ჩნდება შფოთვა და ავადმყოფობა.
თუ თევზები ჯანმრთელია, ის საყვარელ ადამიანებს სიმყუდროვისა და კომფორტის, სითბოსა და მზრუნველობის ატმოსფეროში აცხოვრებს. თევზებივით სხვა არავინ იცის, ნუგეშისცემა და თანაგრძნობა. ვერავინ ზრუნავს თევზების მსგავსად, თავდაუზოგავად მომაკვდავ პაციენტებზე, უმძიმეს ფსიქო-ემოციურ პირობებში.
ყველამ, ვინც განიცადა თევზების დელიკატურობა, თავაზიანობა და დახვეწილობა სულიერი უბედურების მომენტებში, იცის, რომ ეს ყველაზე მგრძნობიარე და თანამგრძნობი ხალხია.