9 ნოემბრის იუბილარი
ნოემბერი ძველრომაული კალენდრით მეცხრე, ხოლო გრეგორიანული კალენდრით მეთერთმეტე თვეა. სახელწოდებაც მისი სწორედ ცხრიანს უკავშირდება. (ლათ. novem – ცხრა). ქართული წარმართული კალენდრის – ტირისკონის მიხედვით ნოემბერს ყველაზე გავრცელებულ სახელწოდებასთან – გიორგობისთვესთან ერთად, სხვაგვარად ჭინკობისთვედაც მოიხსენიებდნენ. ასტროლოგიური კუთხით ნოემბერი ორ აბსოლუტურად განსხვავებულ ნიშანს აერთიანებს: ვნებიან, ექსპანსიურ, ღრმად ემოციურ მორიელსა და იდეალისტ, მაწანწალა, მხიარულ მშვილდოსანს, რომელიც კენტავრის გაორებული ბუნების გამო ხშირად იცვლის მიზნებს და შეხედულებებს, რაც არამც და არამც არ ახასიათებს მიზანმიმართულ და პრინციპულ მორიელს.
როგორია 9 ნოემბერს დაბადებული ადამიანი
9 ნოემბერს დაბადებული ადამიანები ქარიზმატულები და მომხიბვლელები არიან. მათთვის დამახასიათებელია ბოჰემური ცხოვრების სიყვარული და მეტ-ნაკლებად ზედაპირული დამოკიდებულება პირადი ურთიერთობისადმი. ამიტომ სასურველია ამ ხალხმა მეტი სიდინჯე და დაკვირვება გამოიჩინოს, როცა საქმე ცხოვრების მეგზურის შერჩევას ეხება.