2 ნოემბრის იუბილარი
ნოემბერი ძველრომაული კალენდრით მეცხრე, ხოლო გრეგორიანული კალენდრით მეთერთმეტე თვეა. სახელწოდებაც მისი სწორედ ცხრიანს უკავშირდება. (ლათ. novem – ცხრა). ქართული წარმართული კალენდრის – ტირისკონის მიხედვით ნოემბერს ყველაზე გავრცელებულ სახელწოდებასთან – გიორგობისთვესთან ერთად, სხვაგვარად ჭინკობისთვედაც მოიხსენიებდნენ. ასტროლოგიური კუთხით ნოემბერი ორ აბსოლუტურად განსხვავებულ ნიშანს აერთიანებს: ვნებიან, ექსპანსიურ, ღრმად ემოციურ მორიელსა და იდეალისტ, მაწანწალა, მხიარულ მშვილდოსანს, რომელიც კენტავრის გაორებული ბუნების გამო ხშირად იცვლის მიზნებს და შეხედულებებს, რაც არამც და არამც არ ახასიათებს მიზანმიმართულ და პრინციპულ მორიელს.
როგორია 2 ნოემბერს დაბადებული ადამიანი
2 ნოემბერს დაბადებული ადამიანები, წინააღმდეგობრივი ხასიათითა და რთული ბედით არიან დაჯილდოებულნი. მათთვის დამახასიათებელია უკიდურესობებში გადავარდნა და მაქსიმალიზმი, რის გამოც ხშირად ითვლებიან გარშემო მყოფთა თვალში პატივისცმისა და შიშის ობიექტად. თუმცა, ამ ხალხს უნდა ახსოვდეს, რომ მათ მიერ ჩადენილი ნებისმიერი არაეთიკური საქციელი, სამომავლოდ არაერთი სერიოზული პრობლემის სათავე შეიძლება გახდეს მათთვის ცხოვრებაში.