31
მარტიდღის ზოგადი ასტროლოგიური პროგნოზი
გეგუთის სასჯელაღსრულების #14-ე დაწესებულებაში გარდაცვლილი პატიმრის ოჯახის წევრები "ინტერპრესნიუსთან" საუბრისას აღნიშნავენ , რომ პატიმარ ავთო მაისურაძეს დაწესებულებაში არც პატიმრებთან და არც სამართალდამცველებთან პრობლემები არ ჰქონია.
პატიმრის დედის, ინგა მაისურაძის თქმით, მისი შვილის გარდაცვალება შეიძლება დაკავშირებული იყოს მაისურაძის დაკავების პროცესთან, რომლის დროსაც ორმა სამართალდამცველმა საკუთარ უფლებამოსილებას გადააჭარბა. ამასთან დაკავშირებით საქმე სტრასბურგშიც გაიგზავნა.
გარდაცვლილის დედის თქმით, ამის გამო უფლებამოსილების გადამეტების ბრალდებით ორი პოლიციელი დააკავეს. ინგა მაისურაძის განცხადებით, ინციდენტში მონაწილე პოლიციელები უფლებამოსილების გადაჭარბების ბრალდებით დაკავებული არიან. "მნიშვნელოვანია ის, რომ ჩემმა შვილმა წერილი დატოვა, რომელიც სამართალდამცველებს აქვთ და ჯერჯერობით არ მაძლევენ. ალბათ იმ წერილიდან ყველაფერი გაირკვევა", - აღნიშნა ინგა მაისურაძემ.
სასჯელაღსრულების სამინისტროს ინფორმაციით, 23 მარტს, დაახლოებით 08:10 საათზე, სასჯელაღსრულების #14 (გეგუთის) დაწესებულებაში 1988 წელს დაბადებული მსჯავრდებული ა.მ. გარდაიცვალა. სიკვდილის გამომწვევი მიზეზის დასადგენად კი დანიშნულია სასამართლო-სამედიცინო ექსპერტიზა.
ამასთან, ვრცელდება ინფორმაცია, რომ პატიმარმა თავი ჩამოიხრჩო.
