4
მაისიდღის ზოგადი ასტროლოგიური პროგნოზი
ფილმმა "ჩვენი ერის შემდეგ", რომლის პროდუსერი უილ სმიტია, სამი ანტიპრემია "ოქროს ჟოლო" მოიპოვა.
უილ სმიტის ვაჟს ჯეიდენს ანტიპრემია ნომინაციაში - "ყველაზე ცუდი მსახიობი" ერგო, ხოლო თავად სმიტ-უფროსმა პრემია "ყველაზე ცუდი მეორეხარისხოვანი როლისთვის" მიიღო. გარდა ამისა, მამა-შვილი სმიტები წლის ყველაზე ცუდ სამსახიობო დუეტად აღიარეს. ფილმი "ჩვენი ერის შემდეგ" ფანტასტიკური ბოევიკია, რომლის ბიუჯეტი 130 მილიონ დოლარს შეადგენს.
კიდევ სამი "ოქროს ჟოლო" ფილმ Movie 43-ს ერგო ნომინაციებში "ყველაზე ცუდი ფილმი", "ყველაზე ცუდი სცენარი" და "ყველაზე ცუდი რეჟისურა". კომედია, რომელშიც ჰოლი ბერი, კეიტ უინსლეტი, ჰიუ ჯეკმანი და სხვა ვარსკლავები მონაწილეობდნენ 19 მოკლე ნოველისგან შედგება, რომელთაგან თითოეული სხვადასხვა რეჟისორმა გადაიღო.
ცერემონიის მოულოდნელობა გახდა ის, რომ კომიკოს ადამ სენდლერს არცერთი ჟოლო არ შეხვდა. მსახიობს ანტიპრემია უკვე 20-ზე მეტჯერ აქვს მიღებული.
"ოქროს ჟოლო" 34-ჯერ გასცეს. იგი ჟურნალისტმა ჯონ უილსონმა 1980 წელს დააარსა.
მომზადებულია Reuters-ის მხიედვით.
