6
მაისიდღის ზოგადი ასტროლოგიური პროგნოზი
ხობის მუნიციპალიტეტის სოფელ ჭალადიდში ახალგაზრდა მამაკაცის ცხედარი საკანალიზაციო არხში იპოვეს. ახლობლების განცხადებით , გარდაცვლილი, 44 წლის გელა კირთაძეა, რომელსაც ოჯახის წევრები და სამართალდამცავები, 4 დეკემბრიდან უშედეგოდ ეძებდნენ.
კირთაძის ოჯახის წევრები, სამართალდამცავებს უყურადღებობაში ადანაშაულებენ.
"ხვალ მამაჩემი უნდა დავკრძალოთ, რომელიც გელაზე დარდს გადაჰყვა. შეეშინდათ, რომ მამის დასაფლავების მერე, ისევ გზას გადავკეტავდით, მოიტანეს დანაწევრებული, ცელოფნაში გახვეული ცხედარი და აგერ არხში ჩააგდეს. აქამდე აქ რომ ყოფილიყო ჩაგდებული, სამი თვის განმავლობაში ვერავინ ნახავდა? დასახლებული ადგილია. მოკლულია, ამას გამოძიება რად უნდა, მაგრამ ჩალითაა ქვეყანა დახურული და არავინ გვყავს პატრონი", - განაცხადა გელა კირთაძის დამ, ნატო კირთაძემ.
გარდაცვლილის ახლობლების განცხადებით, კირთაძე რამდენიმე თვის წინ მოკლეს და ცხედარი აქამდე სხვა ადგილას ჰქონდათ გადამალული. ისინი, გამოძიებისგან, ქმედითი ღონისძიებების გატარებას მოითხოვენ.
