რატომ გაუჩინარდა სცენიდან სოფო ხალვაში

მომღერალი სოფო ხალვაში მეუღლესთან, მიშა ძოძუაშვილთან ერთად საცხოვრებლად ბათუმში გადავიდა და ახალი საქმეც წამოიწყო. საბავშვო სტუდია გახსნა, სადაც მისი შვილი 6 წლის ქეთოც ისწავლის. სოფოს ქეთოს გარდა ჰყავს 7 თვის მარიამი, რომლის აღზრდაშიც, ძიძის გარდა, მშობლები ეხმარებიან. თუ როგორ შეეგუა სოფოს ოჯახი ბათუმში დაბრუნებას და რის გაკეთებას სთხოვდა მამამთილი, ამას ჩვენი საუბრიდან შეიტყობთ.

- ამჯერად ვარ ბათუმში, ჩემს ქალაქში, ბევრად მშვიდად და წყნარად (იღიმის). სიახლე არის ის, რომ აქ მე და ''ბასტი-ბუბუმ'' ჩამოვაყალიბეთ ამ სტუდიის ფილიალი, ბათუმელ ბავშვებს გავუკეთეთ ეს სტუდია, რაც მათი სწორი განვითარებისთვის ძალიან კარგია. გარდა ამისა, გავხსენი ხმის ჩამწერი სტუდია, ფოტო და ვიდეოსტუდიები, სადაც როგორც ფოტოები, ასევე კლიპები დამზადდება, სტუდია ფილმების გადაღებაზეც იმუშავებს. იგეგმება ახალ-ახალი პროექტები, რისი გახმაურებაც ჯერ არ მინდა.

- ბათუმში ოჯახთან ერთად ხარ წასული?

- კი, ჩემს მეუღლესაც საქმეები აქვს და ბავშვებიც აქ არიან.

- ანუ მშობლიურ ქალაქს დაუბრუნდი...

- კი, ჯერჯერობით. როცა საჭიროა, თბილისში მივდივართ, მაგრამ ამ ეტაპზე ბათუმში გადმოვედით. ბათუმში ჩემი ჩასვლა ყოველთვის სიხარულს უკავშირდებოდა და ახლაც ბედნიერი ვარ აქ ყოფნით.

- მართალია, ბათუმი შენთვის მშობლიური ქალაქია, მაგრამ შენი მეუღლისთვის არ იყო გარკვეულ სირთულესთან დაკავშირებული ბათუმში გადასვლა?

- მისთვის ალბათ ცოტა რთულია, მაგრამ რადგან საქმეშია ჩართული, ასეთ დეტალებზე ვერ ფიქრობს. თუმცა ალბათ მას მაინც თბილისში ყოფნა ურჩევნია, რადგან თბილისი მისი მშობლიური ქალაქია.

იხილეთ სტატიის გაგრძელება