აჭარის პოლიციას ვალერი თელიას ნაცვლად დავით თამაზაშვილი უხელმძღვანელებს

შინაგან საქმეთა სამინისტროს აჭარის მთავარი სამმართველოს უფროსად დავით თამაზაშვილი ინიშნება.

როგორც "ინტერპრესნიუსისთვის" გახდა ცნობილი, ამის შესახებ ოფიციალურ განცხადებას უწყება მომავალ კვირას გააკეთებს. დავით თამაზაშვილი აჭარის მთავარი სამმართველოს უფროსის თანამდებობაზე ვალერიან თელიას შეცვლის.

რაც შეეხება ვალერიან თელიას, "ინტერპრესნიუსის" წყაროს ინფორმაციით, იგი თბილისში სხვა თანამდებობაზე გადმოჰყავთ.

დავით თამაზაშვილი ანსამბლ "ქართული ხმების" მომღერლის გურამ თამაზაშვილის ვაჟია.

შინაგან საქმეთა სამინისტროში მოსალოდნელი საკადრო ცვლილებების შესახებ ინფორმაციას ჯერჯერობით არ ადასტურებენ.

"ინტერპრესნიუსი"